"Хәүефһеҙ сифатлы юлдар” милли проекты ярҙамында урам-юл селтәрҙәре участкалары ремонтланып ҡына ҡалмай, бөтә ил буйлап йәмәғәт транспорты паркы ла яңыртыла. 2023 йылда Башҡортостан Республикаһының баш ҡалаһы федераль финанс ярҙамы алған дәғүәселәр иҫәбенә инде. Атап әйткәндә, Өфөгә “ГТЛК” акционерҙар йәмғиәтенең льготалы лизингы сиктәрендә 50 яңы “НЕФАЗ” автобусы алынған. – Өфө ҡалаһы командаһы Өфө хакимиәте башлығы Ратмир Рәфил улы Мәүлиев йөҙөндә республика етәкселеге менән берлектә пассажирҙар транспортын яңыртыу буйынса планға ярашлы эш алып бара. Башҡортостандың баш ҡалаһы өсөн – ярайһы ҙур ярҙам. Яңы автобустар заманса системалар менән йыһазландырылған, улар уңайлы мөхит һәм хәүефһеҙлек талаптарына яуап бирә, – тип билдәләнеләр ҡаланың Транспорт һәм элемтә идаралығында. Әлеге ваҡытта яңы автобустар 226-сы ҡала маршрутын хеҙмәтләндерә. Улар газ-мотор яғыулығында эшләй һәм ҙур һыйҙырышлы, мәғлүмәт таблолары, спутник навигацияһы, видеокүҙәтеү камералары, тахографтар, электрон ҡоро