“Турист” ҡушаматлы яугир “Башҡортостан” мотоуҡсылар полкында хеҙмәт итә. Ирекмәндең ҡатыны Айгөл һөйләүенсә, өлөшләтә мобилизация башланған саҡта ире Яҡутияла вахтала эшләгән булған. Ҡайтҡас, ишек төбөнән үк: "Мин дә барам!” – тип белдерә. Ҡатын, иренең холҡон белгәс, уның ҡарарын үҙгәртмәйәсәген яҡшы аңлай. Әммә Айгөл унан бер нәмә хаҡында үтенеп һорай – ҡыҙының тыуыуын көтөүен. “Турист” ҡатынының өгөтләүҙәренә: “Әгәр барыһы ла йәшеренеп ҡалһа, һеҙҙе кем яҡлар?” – тип яуаплай ире. Һирәк шылтыратыуҙар ваҡытында “Турист” яҡындарынан юҡ-бар тураһында уйламауҙарын, төрлө имеш-мимештәргә әҙерәк ышаныуҙарын һорай. Айгөл артыҡ һорауҙар бирмәй. Ә уның ирекмән ире иһә “тейешлеһен эшләгәнсе”, йәғни махсус операция тамамланғансы, өйгә ҡайтырға йыйынмай. Хәтерегеҙгә төшөрәбеҙ, контракт төҙөү мәсьәләләре буйынса республика халҡы берҙәм 177 белешмә номеры буйынса, Ситуация үҙәгенә 122 йәки (347) 218-19-19-19 телефондары аша, “Минең документтарым” күп функциялы үҙәктең яҡындағы офисына мөрәжәғәт итә ала. Шулай уҡ булған һорауҙарға яуапты башбат.рф сайтында, контракт буйынса хәрби хеҙмәткә инергә теләүселәр өсөн һәм уларҙың ғаилә ағзаларына социаль ярҙам саралары тураһында "Телеграм"да мәғлүмәт таба алаһығыҙ. Башҡортостанда контракт буйынса хәрби хеҙмәткә йыйыу дауам итә. Мобиль пункттар республиканың барлыҡ ҡала һәм райондарында эшләй. Бында йыйыу тәртибе, льготалар һәм түләүҙәр тураһында консультация бирәләр, ниндәй документтар кәрәклеген аңлаталар. Дәүләт менән килешеүҙе пенсияға сыҡҡан запастағы хәрбиҙәр, саҡырыу буйынса сроклы хеҙмәттән һуң эшенән киткәндәр, шулай уҡ армияла булмаған, ләкин юғары йәки урта профессиональ белем алған ир-егеттәр ҙә төҙөй ала. Рядовойҙан алып прапорщикка тиклем контракт буйынса хәрби хеҙмәткә 65 йәшкә тиклемге ир-егеттәр ҡабул ителә. Фото: https://t.me/bashbat02/4625