Оҙаҡламай Стәрлетамаҡ ҡалаһының Рус драма театрында күптән көтөлгән премьера - Джоэль Харристың күренекле әкиәттәре мотивы буйынса «Братец Кроликтың ғәжәйеп мажаралары» була. Спектаклдең режиссеры Вадим Смирнов (Ырымбур ҡалаһы) Яңы йыл байрамдарында ғаилә менән ҡарау өсөн сағыу музыкаль спектакль вәғәҙәләй. Яратҡан, бала саҡтан таныш персонаждар Ҡуян менән Төлкө дуҫлығы, аҡыллылыҡ һәм ҡыйыулыҡ арҡаһында тормоштағы бөтә ауырлыҡтарҙы еңеп сыға алыуы хаҡында һөйләйәсәк. Театр цехтары көн һайын декорациялар һәм костюмдар әҙерләү өҫтөндә эшләй. Әлегә барыһы ла әҙерләү этабында, шулай ҙа геройҙарҙың образы аңлашыла: улар – һөйкөмлө ҡуяндар һәм Төлкө ағай, Ыҫмала ҡарасҡы һәм Матушка Медоус. Спектакль рәссамы Наталья Белова (Санкт-Петербург ҡалаһы) костюмдар эшләү өсөн йылы төҫтәге төрлө фактуралы туҡымалар һайлаған. Стәрлетамаҡтар яңы премьераны оҡшатыр, тип ышана театр коллективы. Бындай саралар ил Президенты Владимир Путиндың май указы менән раҫланған “Мәҙәниәт” милли проекты (национальный проект “Культура”) ҡуйған бурыстарҙы тормошҡа ашырыуҙы ла маҡсат итеп ҡуя. Фото: БР Мәҙәниәт министрлығы.