Т. ғаиләһе – хәрби династия. Ғаилә башлығы оҙаҡ йылдар илдең генә түгел, хатта донъяның төрлө мөйөшөндә хәрби бурысын үтәй, ике улы ла шуға алыҫ ерҙәрҙә тыуа. Рәсәй ғәскәрҙәре сит илдән сығарыла башлағас, ғаилә атай кешенең тыуған төйәге – Стәрлетамаҡҡа ҡайтып төпләнәләр. Бында иһә үҫеп килгән малайҙар атаһының һөнәренә ғашиҡ булып, үҙҙәре лә хәрби кеше булырға хыяллана һәм була ла. Аталары иҫләүенсә, Олег, мәҫәлән, бала сағынан һалдат булып килештерә, “һуғыш” уйнай, үҙен физик һәм аҡыл буйынса ҡаты шарттарға әҙерләй. Ғаилә башлығының ауыр хәрби юлы ла, хәрби шарттар ҙа уны ҡурҡытмай, аптыратмай. Десантсы булырға хыяллана ул. Атай кеше ҡаршы ла төшмәй, көсләп погон да таҡтырмай. Шулай итеп, хәрби уҡыу йорто тамамлап, Олег хәрби кеше булып китә. Төрлө хәрби частарҙа тәжрибә туплай, өйрәнә, өйрәтә, төрлө хәрби белем усаҡтарында камиллаша, инде тотош бригада командиры урынбаҫары, подполковник була. ...Эйе, хыялы тормошҡа аша десантсының, “һуғыш” уйыны ла ысынға әүерелә... Махсус хәрби операция башланған көндән алып ғаиләләге ике ул да фронтҡа юллана, хәрби бурыс бер, ике улдың береһе ҡала ала, шул уҡ ваҡытта Олег – дүрт бала атаһы. Әммә улар Тыуған ил алдындағы антына тоғро ҡала. Үкенескә ҡаршы, Олег сираттағы яуҙарҙың береһендә һәләк булып ҡала. Уның балалары етем ҡала, шулай уҡ балаларына “батыр” тигән даны ла!.. Атай йөрәге бер йыл түҙеп йөрөй, әммә бер көн ҡатынына улы өсөн үс алырға барасағы тураһында әйтә. Шуныһы үҙенсәлекле: ул да улы һымаҡ “Саған” позывнойын ала. Бөгөнгө көндә “Саған” “Саған” өсөн үс ала. Әйтергә кәрәк, бындай тарихтар хәрби операцияла осрап тора – атайҙар, улдар, бер туғандар алыша. Ошолай атай улы өсөн, ул атай өсөн үс ала. Дошман сигенә бара! Хәрби хеҙмәткә контракт буйынса команда туплау дауам итә. Контракт төҙөр өсөн урындағы йәки Өфөләге хәрби комиссариаттарға, Күп функциялы үҙәктәргә, МХО буйынса фонд, үҙәктәргә һәм хакимиәттәргә мөрәжәғәт итергә була. Улдарыбыҙ, атайҙарыбыҙ, ағай-ҡустыларыбыҙ өсөн үс алып, дошманды тиҙерәк дөмөктөрәйек!