Բեռլինի «Սինեմա տրանստոպիա» կինոթատրոնը հայկական կինեմատոգրաֆիայում ցեղասպանության արտացոլմանը նվիրված ծրագիր կանցկացնի, հաղորդում է կինոթատրոնի կայքը։ «Ֆիլմերի այս շարքը «պատմական» ցեղասպանությունը հիշելու աշխատանքը համատեղում է Արցախի ներկայիս ողբերգության հետ և ուսումնասիրում, թե ինչպես է միջազգային հայկական կինոն հաղթահարել և կարող է ապագայում հաղթահարել այդ տրավմատիկ փորձառությունները»,- ասվում է հայտարարության մեջ։
Դեկտեմբերի 1-ից 9-ը կանցկացվի «Մենք ենք մեր հիշողությունը. ցեղասպանությունը որպես անցյալ և ներկա հայ անդրազգային կինոյում 1915-2023 թթ.։ Ըստ կազմակերպիչների՝ 20-րդ դարասկզբի հայ ժողովրդի ողբերգությունը դարձավ ազգային ինքնության ձևավորման գործոններից մեկը և մինչ օրս ազդում է ստեղծագործության տարբեր ոլորտների վրա։ Ծրագիրը վարում է ռեժիսոր Գարի Վանիսյանը, ով 2013 թվականին Մայնի Ֆրանկֆուրտում հիմնադրել է Filmkollektiv Frankfurt ասոցիացիան:
Կինոծրագիրը կբացվի դեկտեմբերի 1-ին Իննա Սահակյանի «Ավրորայի արշալույսը» և Էլոդի Դերմանժի «Արմատ» անիմացիոն ֆիլմերով։ Դրանց կհաջորդեն Դոն Ասկարյանի «Կոմիտաս»-ը, Նորա Մարտիրոսյանի «Եթե քամին հանգստանա», «Մուշի աղջիկը» կարճամետրաժ ֆիլմը և Կարինե Թորոսյանի «Քար, ժամանակ, հպում» վավերագրական ֆիլմը։
Դեկտեմբերի 6-ին ծրագրի մասնակիցները կիմանան Թուրքիայի հայերի կյանքի մասին Սերժ Ավեդիկյանի «Վերադարձ դեպի Սոլյոզ» ֆիլմից։ Դեկտեմբերի 7-ին կցուցադրեն Ներսես Օգանեսյանի «Հանդիպում ցուցահանդեսում» և Գարեգին Պապոյանի «Բոն Վոյաժ»-ը, իսկ դեկտեմբերի 8-ին՝ Արման Մանարյանի «Տժվժիկը» և Հենրիխ Մալյանի «Մենք և մեր սարերը»: Կինոծրագիրը կփակվի դեկտեմբերի 9-ին Մալյանի «Նահապետ»-ով։
Հոկտեմբերի Հայոց Ցեղապանության մասին պատմող «Ավրորայի արևածագը» անիմացիոն ֆիլմն արժանացել էր Բուֆալոյի միջազգային կինոփառատոնի «Լավագույն վավերագրական ֆիլմ» մրցանակին