Башҡортостан Республикаһы Хөкүмәте Премьер-министры Андрей Назаров профилле ведомстволар етәкселәре, подряд ойошмалары вәкилдәре һәм юғары уҡыу йорттары ректорҙары менән берлектә һәр аҙналағыса объекттағы төҙөлөш эштәре барышын тикшерҙе. 2023 йылдың декабрендә асылырға тейеш 15 ҡатлы бина файҙаланыуға әҙер тиерлек. Ете ҡатлы IQ-паркта биҙәү эштәре бара. Инженер коммуникациялары үткәрелгән, йылытыу системаһы тоташтырылған, мебель килтереүгә әҙер. Көн һайын төҙөлөштә өс сменала 600-ҙән ашыу кеше эшләй. Эштәрҙе генераль подрядсы «Уралком» компанияһы менән килешеү сиктәрендә концессионер - «Кампус» компанияһы алып бара. Премьер-министр етәкселегендәге комиссия проекттың беренсе сиратының беренсе һәм икенсе ҡаттарындағы биналарҙың әҙерлеген тикшерҙе, БДМУ, ӨДНТУ һәм ӨФТУ ректорҙары менән ҡорамалдарҙы килтереү графигын тикшерҙе. «Система концессиялары» яуаплылығы сикләнгән йәмғиәте мәғлүмәте буйынса, мәғлүмәт һәм мультимедиа системаларын поставкалау контракт менән нығытыласаҡ. Беренсе ҡаттағы атриумды биш экран биҙәйәсәк, уның буйынса белешмә мәғлүмәт биреләсәк. Андрей Назаров биналарҙы лаборатория ҡорамалдарын монтажлауға әҙерләргә, эшселәр һанын арттырырға ҡушты һәм йәнә бер тапҡыр эштәрҙе билдәләнгән ваҡытта тамамларға кәрәклек тураһында иҫкә төшөрҙө. Хәтерегеҙгә төшөрәбеҙ, кампус Рәсәй Федерацияһы Президенты Владимир Путиндың ҡушыуы һәм Рәсәй Фән һәм юғары белем министрлығының «Фән һәм университеттар» милли проектын ғәмәлгә ашырыуға ярашлы төҙөлә. Сығанаҡ һәм фото: pravitelstvorb.ru