Ғүмер оҙонлоғондағы симфония
Башҡорт дәүләт опера һәм балет театрында донъя кимәлендәге премьера үтте. Тамашасы хөкөмөнә Рахманинов. «Ғүмер оҙонлоғондағы симфония». спектакле тәҡдим ителде. Төп ролдә Рәсәйҙең атҡаҙанған артисы Олег Габышев. Ә Рахманиновтың иң яҡын дуҫын – Федор Шаляпиндың партияһын Асҡар Абдразаҡов башҡарҙы. Беҙҙең хәбәрселәр спектаклде беренселәрҙән барып күрҙе. Тулыраҡ Альбина Зәйнетдинова репортажында. Залда тынлыҡ. Тамашасы тын да алмай көтә. Сәхнәлә пианист килеп сыға. Сихри көй тамашасыларҙы тәүге аккордтарҙан алып, бөйөк композитор Сергей Рахманиновтың тормош юлы буйлап мауыҡтырғыс сәйәхәткә алып китә.Күҙ алдында ауыл, крәҫтиән балалары, әсәй. Хәтерҙә гимназия класы барлыҡҡа килә. Йәш кенә, әммә шул тиклем талантлы. Үҙенең һәләттәрен ул донъяға һуңыраҡ күрһәтер, ә әлегә хикәйә дауам итә.Рахманинов бер үҙе. Сәхнәгә бөйөк композиторҙың иң яҡын дуҫы булырға тейешле кеше сыға. Фёдор Шаляпин, ария башҡара. Артабан бөйөк триумф тарихы — беренсе симфонияның барлыҡҡа килеүе, уңышһыҙлыҡ, төшөнкөлөккә бирелеү, яңы күтәрелеш, мөхәббәт, тыуған ил менән хушлашыу. Композиторҙың ижад юлы тигеҙ генә бармай шул, Рахманинов. «Ғүмер оҙонлоғондағы симфония» спектакле тап ошо хаҡта. Йәшлек, өлгөрөү осоро һәм ҡартлыҡ. Тамаша өс өлөштән тора. Спектаклгә килгән һәр кем Рохманиновтың бөтә тормошон үҙе аша үткәрә. Төп ролдә Олег Габышев. Уның әйтеүенсә, спектаклде сәхнәгә ҡуйыуға бер йыл киткән. Ошо осорҙо Рәсәйҙең атҡаҙанған артисы ике ҡала араһында үткәргән. Заман әүҙем тормош талап итә. Ул Рахманиновтың музыкаһы кеүек тиҙ, тулы һәм күп ҡырлы. Олег Габышев, был минең тормошомдағы иң күләмле, проект, ти. Марат Ғөбәйҙуллин да был һүҙҙәр менән килешә. Пианист үҙ партиямды хатта төшөмдә ҡабатлай торғайным, тип шаярып иҫенә төшөрә. Федор Шаляпин партияһын башҡарыусы Асҡар Абдразаҡов үҙ роленә тиҙ өйрәнгән. Балет-биография тамашасы күңеленә хуш килде. Премьераға республиканан ғына түгел, илдең башҡа төбәктәренән дә сәнғәт һөйөүселәр йыйылғайны. Артистарҙы дәртләндерергә тип Санкт-Петербургтан да килгәйнеләр. Тамашасы өс сәғәткә Сергей Рахманиновтың ғүмер оҙонлоғондағы симфонияһына сумды. Уның менән бергә үҫеш һәм тәгәрәүҙәрҙе кисерҙе, тормош асылына төшөндө, ил тарихының ҡайһы — бер биттәрен яңынан асты.
Смотрите видео
--------------------------
Присоединяйтесь к каналу Башкортостан 24 в Дзен и будьте в курсе всех последних новостей и событий, происходящих в Уфе и Башкирии!
Мы предлагаем Вам свежие выпуски передач производимые холдингом ГТРК «Башкортостан».