Декабрҙә Башҡортостанда сираттағы, ун өсөнсө “Минең бизнес” үҙәге офисы асыла. Был юлы – Ейәнсура районының Иҫәнғол ауылында. Республикала был үҙәктәр селтәре “Бәләкәй һәм урта эшҡыуарлыҡ, шәхси эшҡыуарлыҡ башланғысына булышлыҡ итеү” милли проекты ярҙамында киңәйә. – Хәҙер Ейәнсура районы һәм яҡындағы муниципалитеттар эшҡыуарҙарына “Минең бизнес” үҙәге тәҡдим иткән хеҙмәттәр комплексын алыу өсөн баш ҡалаға йөрөү кәрәкмәйәсәк. “Берҙәм тәҙрә” форматында башлап торған һәм ғәмәлдәге бизнесмендар консультация ала, уҡыу үтә йәки дәүләт ярҙамы сараларына ғариза бирә аласаҡ. Йыл башынан үҙәк 9 мең консультация хеҙмәте күрһәткән һәм 70-тән ашыу сара үткәргән, – тине республиканың эшҡыуарлыҡ һәм туризм министры Рөстәм Афзалов. Яңы киңлек республиканың көньяҡ төбәге эшҡыуарҙарын йәлеп итеү урыны буласаҡ. Клиент офисынан тыш бында 10 кешелек конференц-зона ла урынлашҡан. Бөгөн республикала 12 “Минең бизнес” үҙәге офисы ғәмәлдә: Өфө, Стәрлетамаҡ, Күмертау, Октябрьский, Нефтекама, Салауат, Бәләбәй, Учалы, Белорет ҡалалары, шулай уҡ Ҡариҙел, Саҡмағош һәм Үрге Ҡыйғыла. Республикалағы бөтә үҙәктәре адрестары һәм эш графигы менән : https://cmbrb.ru/kontakty/ һылтанмаһы буйынса танышырға була. Берҙәм ҡыҙыу линия телефоны: +7 (347) 224-99-99. Билдәле булыуынса, “Бәләкәй һәм урта эшҡыуарлыҡ, шәхси эшҡыуарлыҡ башланғысына булышлыҡ итеү” (национальный проект “Малое и среднее предпринимательство и поддержка индивидуальной предпринимательской инициативы”) милли проекты Рәсәй Президенты Владимир Путиндың май указы менән булдырылды. Фото: Эшҡыуарлыҡ һәм туризм министрлығы.