Ингредиенттар: 1 литр йылы һыу 50 грамм әсетке 3 аш ҡалағы үҫемлек майы (1 аш ҡалағы майлау өсөн) 1 аш ҡалағы шәкәр 2 балғалаҡ тоҙ 1,5-1,7 кг он Әҙерләү: Йылы һыуға әсетке шәкәр, тоҙ һалып болғатабыҙ. Һуңынан үҫемлек майы һәм он ҡушып ҡамыр баҫабыҙ. Ҡамыр ҡаты ла, ныҡ йомшаҡ та булырға тейеш түгел. Ҡамырҙы йылы урынға бер сәғәтҡә ҡуйып торабыҙ. Беренсе тапҡыр ҡамыр күтәрелһә өҫтөнә баҫып төшөрөргә кәрәк. Икенсе тапҡыр күтәрелгәндән һуң, форманы майлап ҡамырҙы һалабыҙ. 180°С эҫетелгән мейестә 40 минут бешерәбеҙ. Өҫтәлегеҙ мул, сәйҙәрегеҙ тәмле булһын! Фото һәм сығанаҡ: "Файҙалы кәңәштәр" төркөмө.