Ноябрь башында Дүртөйлө районының Миәҙәк (Маяҙыҡ) ауылынан Дмитрий Атыевты һуңғы юлға оҙатҡайнылар. Район хакимиәте башлығы Риф Йосопов социаль селтәрҙәге сәхифәһендә уның хаҡында яҙып, урамдарҙың береһенә Дмитрий Валерьяновичтың исемен бирәсәктәрен хәбәр итте. Баҡтиһәң, Дмитрий МХО-ға киткәндә бәхилләшеү хаты яҙып, йорто алдындағы алмағас төбөнә күмеп киткән икән. Был турала өлкән ағаһын ерләргә ҡайтҡанда туғанына әйткән. Әле килеп туғандары уны ҡаҙып алған. Уҡығанда иламаған кеше булмаған. Дмитрий унда махсус хәрби операцияға үҙ теләге менән китеүен яҙып, әгәр кемделер үпкәләткән булһа, уны ғәфү итеүҙәрен үтенгән, ата-әсәһен яратыуын һәм уларға рәхмәт һүҙҙәрен белдергән. Хәтерегеҙгә төшөрәбеҙ, контракт төҙөү өсөн берҙәм 177 номеры буйынса мөрәжәғәт итергә, Ситуация үҙәгенә 122 йәки (347) 218-19-19 телефоны буйынса шылтыратырға була. Шулай уҡ “Минең документтарым” күп функциялы үҙәгенә мөрәжәғәт итергә була. Бөтә һорауҙарға башбат.рф сайтында яуап табырға мөмкин. Сығанаҡ: https://iuldash.ru/news/vremya-geroev/2023-11-16/poslednee-pismo-soldata-3523463