Башҡортостан Хөкүмәтенән хәбәр итеүҙәренсә, бөгөн, 4 декабрҙә, Башҡортостан Башлығы Радий Хәбиров Башҡортостандың сәнәғәт хеҙмәткәрҙәрен һөнәри байрамдары менән ҡотланы һәм уларға лайыҡлы наградалар тапшырҙы. Башҡортостан Башлығы республика оҫталарына «Башҡортостан Республикаһының атҡаҙанған халыҡ сәнғәт кәсептәре оҫтаһы» тигән айырым исем бирҙе. Был исем Радий Хәбировтың башланғысы менән 2023 йылда тәүге тапҡыр булдырылды. Маҡтаулы исем халыҡ художество кәсептәре әйберҙәрен әҙерләү оҫталығына эйә булған һөнәрселәргә, шулай уҡ Башҡортостандың халыҡ художество кәсептәрен һаҡлауға, тергеҙеүгә һәм үҫтереүгә, халыҡ художество кәсептәре өлкәһендә кадрҙар әҙерләүгә, алдынғы тәжрибәне киң таратыуға тос өлөш индергән кешеләргә бирелергә тейеш, тип күп тапҡыр һыҙыҡ өҫтөнә алды ул. Тәүге бүләкләнеүселәр иҫәбендә - башҡорт шәлен эшләү буйынса оҫта Альмира Йәғәфәрова һәм халыҡ уйын ҡоралын эшләү буйынса оҫта Фуат Ҡужәхмәтов та бар. Исем тапшырылғандан һуң Фуат Илмир улы республика Башлығына үҙ ҡулдары менән эшләгән ҡумыҙҙарҙың береһен фирма футлярында бүләк итте. Бүләкләнеүселәр үҙҙәренең яратҡан эше хаҡында һөйләгән. Альмира Сабир ҡыҙы Йәғәфәрова Ейәнсура районының Иҫәнғол ауылында йәшәй. Оҙаҡ йылдар район ҡулланыусылар йәмғиәтендә һатыусы булып эшләгән, дөйөм эш стажы - 34 йыл. Буш ваҡытында Альмира Сабир ҡыҙы ижад - шәл бәйләү менән мауыға. Фуат Илмир улы Ҡужәхмәтов Башҡортостан Республикаһы Ейәнсура районының Яңыбай ауылында тыуған һәм йәшәй. Малай бала саҡтан йыр-моңға ылығып үҫкән - атаһы гармунсы һәм ҡурайсы булған, ә ҡумыҙҙа олатаһының әсәһе уйнаған. Үҙенең хеҙмәт эшмәкәрлеген Фуат Илмир улы 1976 йылда Ейәнсура районының Матросов исемендәге колхозда башлай. Ноталарҙы үҙаллы өйрәндем, ҡумыҙҙа, гармунда һәм мандолинала уйнарға өйрәндем. 1987 - 2003 йылдарҙа Яңыбай ауыл мәҙәниәт йорто директоры булып эшләй. Фуат Ҡужәхмәтов - республика, Бөтә Рәсәй, халыҡ-ара кимәлдәге бик күп сараларҙа әүҙем ҡатнашыусы һәм еңеүсе. Ә 2022 йылда уға республика халыҡ ижады үҙәгенең «Халыҡ оҫтаһы» исеме бирелә. Оҫтаның эштәре халыҡ йолаларын үҫтереү һәм күсәгилешлелек эшенә ҙур өлөш индерә, музыка ижадын тергеҙеүҙә, һаҡлауҙа һәм популярлаштырыуҙа ҙур роль уйнай. Фото: "Башинформ".