Башҡортостан Башлығы Радий Хәбиров журналистар менән әңгәмәһендә “Рәсәй” халыҡ-ара күргәҙмә-форумының әһәмиәте һәм республика Башҡортостан көндәре сиктәрендә үҙ экспозицияларында күрһәткән төп ҡаҙаныштары хаҡында һөйләне. – Бөгөн төбәктәр араһында конкурентлыҡ барлыҡҡа килде. Беҙ, етәксе булараҡ, идара итеү командаларыбыҙ даими рәүештә ресурстар, инвестициялар, ниндәйҙер өҫтөнлөклө проекттар өсөн көрәшә. Ә был беҙҙең төбәкте үҫтергән осраҡта – уның тураһында һөйләгәндә, мөмкинлектәрҙе күрһәткәндә, ә иң мөһиме – төрлө өлкәләрҙе үҫтереү өсөн өҫтөнлөктәр менән таныштырғанда ғына мөмкин. Былар барыһы ла ошондай форумдар һәм презентациялар сиктәрендә эшләнә, шуға күрә беҙ быға етди иғтибар бирәбеҙ. Был, әлбиттә, билдәле сығымдар талап итә, тик шулай ҙа улар үҙен аҡлай. Мәҫәлән, һуңғы биш йылда инвестициялар күләме 40 процентҡа артыуын тәьмин иттек. Был – Рәсәй Федерацияһында иң шәп күрһәткестәрҙең береһе. Инвестицияларға килгәндә, был өлкәлә преференциялар булдырып, субсидиялар биреү тураһ