Учреждение “Мәғариф” проектын тормошҡа ашырыу барышында барлыҡҡа килгән. Технопаркта уҡыусылар заманса юғары технологиялы ҡорамалдарҙа инженерлыҡ ижады менән шөғөлләнә һәм үҙ проекттарын тормошҡа ашыра аласаҡ. Уҡытыусылар Роман Солодовников, Валерий Завозин һәм Элиза Хәлиуллина балалар менән белем биреү эшмәкәрлегенең төп йүнәлештәре: геомәғлүмәт технологиялары һәм аэротехнологиялар, сәнәғәт дизайны һәм робот техникаһы һәм башҡалар буйынса инеш дәрестәр үткәрҙе. Дәрестәр 180 уҡыусы өсөн ойошторолған. Уҡытыусылар командаһы ике аҙна дауамында дәрестәр үткәрәсәк, артабан проекттар өҫтөндә эш дистанцияла дауам итә. “Тап 1-се лицей республиканың мобиль технопарк программаһы тормошҡа ашырыласаҡ 12 белем биреү учреждениеһының береһе булыуы ҡыуаныслы хәл. Балалар командала эшләргә, мәғлүмәтте анализларға һәм ҡарарҙар ҡабул итергә өйрәнәсәк, был уларға киләсәктә технологик эшләнмәләрҙең теләһә ниндәй өлкәһендә уңышлы белгестәр булыу мөмкинлеген бирер”, – тине район хакимиәте башлығының эшҡыуарлыҡ һәм иҡтисади үҫеш мәсьәләләре буйынса урынбаҫары Илшат Хәсәнов. Билдәле булыуынса, "Мәғариф” (национальный проект “Образование”) милли проекты Рәсәй Президенты Владимир Путиндың май указы менән булдырылды. Фото:mechetlinskayalife.ru