Күмертауҙа капиталь ремонттан һуң Никах һарайы асылды

Башҡортостан Хөкүмәте Премьер-министры Андрей Назаров Күмертауға эш сәфәрендә ремонттан һуң Никах һарайын тантаналы асыуҙа ҡатнашты. Был бина - ЗАГС йорттарын реконструкциялауҙың биш йыллыҡ программалары сиктәрендә ремонтланған тәүге объект. - Нәҡ ошо никах йорто капиталь ремонт үткәреү, өлгөлө итеп үҙгәртеү өсөн пилот объект булараҡ һайланды. Артабан инде Башҡортостандағы башҡа ЗАГС һарайҙарына ла капиталь ремонт программаһына тотонорбоҙ. Йыл аҙағына ошо мөһим объекттарҙы ремонтлау буйынса программа раҫланасаҡ, - тип белдерҙе Премьер-министр. Күмертауҙағы Никах һарайына 1982 йылдан бирле ремонт яһалмағын, эсе-тышы ныҡ иҫкергән булған. Уны яңыртыуға республика бюджетынан 25,6 миллион һум самаһы аҡса бүленгән. Хәҙер Никах һарайының интерьеры ныҡ үҙгәргән, заманса кондиционер, елләтеү системаһы, янғын сигнализацияһы ҡуйылған. Эстә яңы мебель һәм ҡормалдар урынлаштырылған. Хеҙмәткәрҙәргә лә, килеүселәргә лә барлыҡ уңайлы шарттар бар. Хөкүмәт Премьер-министры Күмертау ЗАГС хеҙмәткәрҙәрен бүләкләп үтте. Улар тарафынан бер йылда гражданлыҡ хәле тураһында ике меңдән ашыу яҙыу теркәлгән. Андрей Назаров хәҙер Күмертауҙа тыуым һәм никахтар һаны күбәйер тигән ышаныс белдерҙе. https://pravitelstvorb.ru/news/22278/