Искусственное прерывание беременности – это всегда беда и горе. Даже если женщина пытается уговорить себя, что это «обычная хирургическая манипуляция», и ей вторят подруги и родные. Боль и вина, загнанные внутрь, не перестают быть болью и виной с тяжелейшими последствиями для тела и души. И эта вина лечится только покаянием и молитвами.
В 2016 году Священный Синод Русской Православной Церкви утвердил текст молитвенного последования с каноном покаянным о грехе убийства чад во утробе (аборте).
🕊️Молитва 1:
Го́споди, Иису́се Христе́, Сы́не Бо́жий, Исто́чниче жи́зни и безсме́ртия, прише́дый в мир гре́шныя спасти́! При́зри на нас, недосто́йных рабо́в Твои́х, вы́ю се́рдца и телесе́ пред вели́чеством сла́вы Твоея́ приклоня́ющих, согреши́хом бо, беззако́нновахом, непра́вдовахом пред Тобо́ю, но, на щедро́ты Твоя́ и ми́лость Твою́ упова́юще, со слеза́ми мо́лим: благоутро́бне и всеми́лостиве Го́споди, прости́ и поми́луй нас, любо́вь Твою́ отве́ргших, зако́н ева́нгельский попра́вших, страстьми́ ум свой ослепи́вших, чад свои́х в безу́мии уби́вших, ины́х к сему́ сме́ртному греху́ подви́гших или́ престу́пному их наме́рению не возбрани́вших.
Ве́мы, Го́споди, я́ко досто́йни есмы́ огня́ гее́нскаго и ве́чныя му́ки, но и́мамы и человеколю́бия Твоего́ о́бразы: разбо́йника, мытаря́, блудни́цу, блу́днаго сы́на, и́же покая́нием отверзе́ние двере́й Ца́рствия Небе́снаго и поми́лование улучи́вших. Те́мже ко мно́жеству щедро́т Твои́х взыва́ем: приими́ и́скреннее раска́яние на́ше и се́рдце, оскверне́нное безме́рными греха́ми, человеколю́бне очи́сти. При́зри, всеси́льне Го́споди, на лю́ди Твоя́, вразуми́ бра́тий и сесте́р на́ших, творя́щих беззако́ния; возсия́й и́стиною Твое́ю в сердца́х заблу́дших и во тьме пребыва́ющих, загради́ уста́ нечести́вая и лука́вая, детоуби́йство матерей, чад своих во чреве своем умерщвляющих; удержи руку врача- Детоубийцы всесильною десницею Твоею; пресеки творимое кровавое беззаконие.
О, многомилостиве и долготерпеливе Господи! Молитвами Пречистыя Твоея Матере, Владычицы нашея Богородицы и Приснодевы Марии и всех святых, наипаче ходатайством святых мучеников младенцев, в Вифлееме от Ирода убиенных, да́руй нам время на покаяние, яко да, по заповедем Твоим поживше, настоящих зол и будущих вечных мук свободимся и со благою надеждою и истинным уверением к тамошнему миру пойдем, прославляюще Безначальнаго Твоего Отца, с Нимже благословен есé, со Пресвятым, и Благим, и Животворящим Твоим Духом, ныне и присно, и во веки веков. Аминь.
🕊️Молитва 2:
Помяни, Человеколюбче Господи, души отшедших младенцев, кои во утробе православных матерей умерли нечаянно от неведомых действий, или от трудного рождения, или от некоей неосторожности, или сознательно загубленных и потому не принявших Святого Крещения. Помилуй их, Господи, в море щедрот Твоих и спаси неизреченною Твоею благодатию, а меня, грешную (имя) совершившую убийство младенца в утробе моей, прости и не лиши Твоего милосердия. Аминь.