Стратегик башланғыстар агентлығы 14-15 ноябрҙә Стәрлетамаҡта һәм Өфөлә “Эшҡыуарлыҡтың еңел старты” тәьминәтлеге буйынса белем биреү интенсивтарын уҙғара. Сара “Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү” милли проекты (национальный проект “Малое и среднее предпринимательство”) ярҙамында ойошторолған, тип хәбәр итә республиканың Эшҡыуарлыҡ һәм туризм министрлығы. “Был уҡыу курсы яңы эш башлаған эшҡыуарҙарға ла, тәжрибәлерәктәренә лә файҙалы буласаҡ. Ҡатнашыусылар килешеүҙәрҙе уҡырға һәм ундағы мөһим мәғлүмәткә иғтибар итергә, проектты инвесторға әҙерләргә һәм презентацияларға өйрәнәсәк, шулай уҡ улар бизнес-моделдәрҙе баһалау һәм төҙөү тәжрибәһен аласаҡ”, — тине Эшҡыуарлыҡ һәм технология йүнәлеше буйынса агентлыҡтың Башҡортостан Республикаһындағы йәмәғәт вәкиле, “Минең бизнесым” төбәк үҙәге етәксеһе Айгөл Хәбибрахманова. Министрлыҡта билдәләүҙәренсә, тәьминәтлек — ул тауар билдәһен йәки ғәмәлдәге эшҡыуарлыҡты “ҡуртымға алыу” ғына түгел, ә эшҡыуарҙарҙың б