17 ноябрҙә Өфөнөң Совет майҙанында Башҡортостан Башлығы Радий Хәбиров Рәсәй Эске эштәр министрлығы системаһында полицияның участка вәкилдәре хеҙмәте ойошторолоуға 100 йыл тулыуға арналған тантаналы сарала ҡатнашты. Сара алдынан Радий Хәбиров һәм абруйлы ҡунаҡтар 112-се Башҡорт кавалерия дивизияһының легендар командиры, Рәсәй Геройы, генерал-майор Миңлеғәле Шайморатов һәйкәленә сәскә һалды. Төбәк етәксеһе полиция участка хеҙмәткәрҙәрен һөнәри байрамдары менән ҡотланы, “Башҡортостан Республикаһында иң яҡшы полиция участковыйы”, “Башҡортостан Республикаһында бәлиғ булмағандар эштәре буйынса иң яҡшы инспектор” һәм “Административ күҙәтеүҙе тормошҡа ашырыу буйынса иң яҡшы инспектор” номинацияларында һөнәри оҫталыҡ конкурстары еңеүселәренә дәүләт наградаларын, шулай уҡ дипломдар һәм аҡсалата сертификаттар тапшырҙы. - Хөрмәтле иптәштәр! Һеҙҙе участковыйҙар хеҙмәте ойошторолоуҙың 100 йыллығы менән ихлас ҡотлайым! Республиканың һәр кешеһе өсөн тап һеҙ – иң төп һаҡсылар, тормошта килеп тыуған хәл