Әлиә менән Ришат Төхвәтуллиндарҙың ҡыуанысы сикһеҙ

Башҡортостанда һәм Татарстанда популяр булған йәш йырсылар Әлиә менән Ришат Төхвәтуллиндарҙың ғаиләһендә оло ҡыуаныс : улар яңы фатирҙарына күсенгән. Был хаҡта "Интертат" төркөмө хәбәр итә. "Һуңғы ваҡытта гел сабабыҙ, аяҡ өҫтөндә, арыта ла. Ҡайҙалыр ашығырға ла кәрәкмәй кеүек, әммә барыбер бер нәмәгә лә өлгөрөп булмай. Был көндәрҙә генә күсендек, был шуның менән бәйле. Тик йорт йыһаздарын эшләтеп бөтөргәнсә, ҡорған элгәнсә фатирҙы күрһәтмәйем әле", - тип хәбәр иткән Әлиә үҙенең социаль селтәрендә. Ришат иһә алдан уҡ "техник яҡтан, фатирҙы ремонтлау минең өҫтөмдә. Дизайнын эшләү, ҡорған, мебель кеүек эштәр Әлиәгә ҡаласаҡ", - тигән ине. Нисек кенә булмаһын, йәштәрҙе яңы фатирҙары менән ҡотлайбыҙ! Яңы өйөгөҙҙә сабый тауыштары ла ишетелһен, тигән теләктә ҡалабыҙ. Фото: "Интертат"