Ғаза секторы халҡына гуманитар ярҙам
Башҡортостан башлығы ҡарамағындағы милләт-ара мөнәсәбәттәр буйынса Совет ултырышында традицион конфессиялар лидерҙары менән берлектә Палестинаның Ғаза секторы халҡына гуманитар ярҙам тураһында ҡарар ҡабул ителгәйне. 2023 йылдың 13 ноябренә 1 миллион 48 мең 943 һум хәйриә аҡсаһы йыйылған. 23 тонна гуманитар йөк иҫәбендә медикаменттар, яраҡлығы оҙайлы аҙыҡ-түлек, гигиена саралары, көнкүреш химияһы һәм кейем-һалым тупланған. Йөктө айырып тейәү һәм махсус “паллеттар” формалаштырыуға Рәсәй һәм Башҡортостан мосолмандары диниә назараттары ирекмәндәре йәлеп ителгән. Финанс ярҙамын ҡабул итер өсөн “Иман-Башҡортосан” хәйриә фондында айырым берҙәм иҫәп асыҡ. Диниә назараттары үҙҙәренең мәғлүмәт ресурстары, социаль селтәрҙәге сәхифәләре һәм телеграм каналдары аша “Иман-Башҡортостан” хәйриә фондындағы махсус иҫәп һандарын баҫып финанс һәм гуманитар ярҙам йыйыу тураһында хәбәр итте. Ошондай уҡ иғландар республика мәсеттәрендә 10 ноябрҙә йома намаҙында яһалды. Бынан тыш мәсет һәм республиканың мосолман уҡыу йорттарында матди ярҙам сараларын йыйыу яйға һалынған. Йөктәр “Башсельхозтехника” ойошмаһы нигеҙендә гуманитар ярҙам йыйыу буйынса Берҙәм республика логистика үҙәгенә тапшырыла. Гуманитар ярҙамды артабан тапшырыу логистикаһы Башҡортостандың Ғәҙәттән тыш хәлдәр буйынса дәүләт комитеты үтәй – йөк Мәскәүҙең логистика үҙәгенә автомобиль транспорты менән йүнәлтә. Артабан – Рәсәй Ғәҙәттән тыш хәлдәр министрлығы һауа транспортында гуманитар ярҙамды Ҡаһирә ҡалаһына тапшырасаҡ.
Смотрите видео
--------------------------
Присоединяйтесь к калалу Башкортостан 24 в Дзен и будьте в курсе всех последних новостей и событий, происходящих в Уфе и Башкирии!
Мы предлагаем Вам свежие выпуски передач производимые холдингом ГТРК «Башкортостан».