Ғәҙәттә, аварияларҙың һөҙөмтәһе күңелһеҙ: кеше йәрәхәтләнә, һаулығы менән проблемалар башлана, төрлө судтар үтә. Ә бөгөн бәйән итәсәк осраҡ... туй менән тамамланған. Был турала “Башҡортостан” ДТРК-һы хәбәр итте. Өфөлә бер көндө авария була. Әҙилә исемле ҡыҙ тыуған көнөн билдәләйем тип әхирәттәре менән кафеға такси алып китеп барған саҡта, улар ултырған машинаға икенсе автомобиль килеп бәрелә. Һөҙөмтәлә, иң нығы Әҙиләгә эләгә, ул етди генә итеп йәрәхәтләнә. Уны дауаханаға алып китәләр. Аварияла ғәйепле Илназ ҡыҙҙың хәлен белер өсөн дауаханаға бара. “Илназ мине тәүҙә “ҡыйшайып” бөткән килеш күрҙе. Ә дауаханаға килгәнендә минең сәсем дә, ҡашым да юҡ ине, шуға бик оялдым. Ул миңә ҡарай, ә миңә оят. Тәүге осрашҡан көндө ул минең башымды йыуҙы”, – тип хәтерләй ҡыҙ. Улар яйлап яҡыная башлай. Күптәр йәштәрҙең мөхәббәтенә ышанмай. Дуҫтары Әҙиләне кире уйлатырға тырыша, имеш Илназ енәйәт яуаплылығынан ҡурҡҡан өсөн генә уның менән осраша тиҙәр. “Тик уны барыбер ултыртмаҫтар ине, мин бит үлмәнем.