Ошо туй күлдәгенең эскизын үҙем һыҙғылап тектергәйнем...

Билдәле тележурналист, Дәүләт Йыйылышы - Ҡоролтай депутаты Рәмзия Кәримова 10 ноябрҙә социаль селтәрҙәге сәхифәһендә шәхси тормошондағы ваҡиға тураһында яҙған. "Ошо туй күлдәгенең эскизын үҙем һыҙғылап тектергәйнем. Ул ваҡытта инә һалып ҡарарға интернетлы компьютер йә кеҫә телефоны юҡ. Фантазия еткәнсә әтмәләгән булғайным. Милли стилдә булһын, әммә сәхнә кейеменән айырылып торһон тип. Материалы ла дефицит заман бит әле, еләндең яурын башына, итәк осона ҡауырһынды, тәңкәләрҙе саҡ таптыҡ. Шул ваҡиғаларға 23 йыл да үтеп киткән, ғүмер тигәнең күҙ асып йомған ара. Бөгөн берилл туй!" - тип уртаҡлашҡан ул. Был яҙма халыҡта бик ҡыҙыҡһындырыу уятты, күп фекерҙәр һәм теләктәр яҙғандар. Улар араһында "Ниндәй матур булған, заманында бик "модный " булған, ундай күлдәктәр булмаған инде. Артабан да иңгә иң терәп, матур ғүмер итегеҙ, ныҡлы һаулыҡ, ғаилә именлеге, эшегеҙҙә уңыштар юлдаш булһын", "Бәхет килтергәс булған, тиң, матур йәшәүгә бер нәмәлә етмәй", "Иң тәүге булып һеҙ милли стилдә туй күлдәге кейҙегеҙ бит ул. Мин һеҙҙе ниндәйҙер журналда күргәйнем. "Башҡортостан ҡыҙы" буғай. Ғаилә бәхете теләйем һеҙгә!", "Рәмзиә апай, аңлауымса ЗАГС мәҙәниәт йортонда үткән. Зал тулы туғандар, ауылдаштар. Заманында туй ҡарарға тип мин дә клубҡа бара торғайным, эх-х, күңелле саҡтар... Бәхетле, тигеҙ ғүмер теләйем һеҙгә!", "Әлеге заманға бик матур, зауыҡлы күлдәк", "Күлдәк шикарный! Дизайнер һәләте лә бар икән һеҙҙә", "Беҙ күрҙек был никах тантанаһын, бөгөнгөләй хәтерҙә. Рәмзиә, хеҙгә теләк теләнеләр, иҫләйһеңме? Беҙҙең Рәмзиә йөҙөк ҡашы, әйләндерә күрмә, Илдар, мунса ташына, тип. 23 йыл ваҡыт уҙып та киткән, ҡотлайым!" Беҙҙә хеҙмәттәштәребеҙгә - Рәмзиә Кәримова менән Илдар Байбулатовҡа киләсәктә лә бәхетле ғаилә булып йәшәүҙәрен теләйбеҙ. Ысынлап та, бик йылы хәтирәләр. Ә һеҙ туйҙа ниндәй күлдәк кейҙегеҙ? Фәнил Нуриев фотолары.