Уҡыусыларға иртә һөнәри йүнәлеш биреү – киләсәккә уңыштың нигеҙе. Мәктәп йылдары үҫмергә тормошта үҙ юлын табырға булышлыҡ итә. Балалар – беҙҙең киләсәк һәм уларҙың бер нисә йылдан инженер, ғалим, архитектор, педагог, табип булып китеүе ғәҙәти күренеш. Өлкәндәрҙең маҡсаты - үҫеп килгән быуынға һөнәр һайлағанда дөрөҫ йүнәлеш биреү. Евразияның ғилми белем биреү үҙәге мәктәп уҡыусылары өсөн һөнәри проекттар серияһын булдырҙы. Һөнәри саралар буйынса пилот проекттары өлкән класс уҡыусылары өсөн уҙғарыла. Киләсәктә проект республиканың барлыҡ мәктәптәренә лә таратыласаҡ. “Сәнәғәт туризмы” исеме аҫтында мәктәп уҡыусылары өсөн яңы һөнәри проект старт алды. Ғилми-белем биреү үҙәге идара итеү компанияһы командаһы предприятиелар менән берлектә экскурсияларҙың технологик картаһын булдырған, был иһә йәштәргә предприятиеларҙа һәм туристик объекттарҙа кәрәкле һөнәр һайлағанда булышлыҡ итәсәк. “Профи Плюс” һөнәри проекты йәштәргә эшлекле уйын формаһында уҙғарыла. Практика күрһәтеүенсә, заманса үҫмерҙәр үҙаллы анализ ваҡытында мәғлүмәтте яҡшыраҡ һеңдерә. Һөнәри квиз интеллектуаль уйын барышында һөнәр һайларға булышлыҡ итә.