Яңауылдың өлкән быуын вәкилдәре йәнә ГТО нормативтарын тапшырырға “Юность” физкультура-һауыҡтырыу комплексы янына йыйылды. Улар быйылдан башлап күңелле бонус – физкультура-һауыҡтырыу хеҙмәттәренә 10 мең һумлыҡ сертификат алыу мөмкинлегенә эйә. Әле йөҙҙән ашыу оло йәштәге кеше спорт объекттарына бушлай йөрөй. Күпселеге йөҙөү һәм аквааэробиканы һайлай, тип хәбәр итә “Янаульские зори”. ГТО нормативтарын тапшырыусыларға значоктар тапшырылыуын тулҡынланып көтөп алдылар. ”Бронза”ны был юлы 80 йәшлек Зәйтүнә Мусавароваға тапшырып, уға яңы уңыштар, һаулыҡ теләнеләр. Спорт менән шөғөлләнеү өсөн йәш сиктәре юҡ, бары яҡшы һаулыҡ, теләк һәм ынтылыш булыуы ғына кәрәклеген ул тағы бер ҡат раҫланы. А. Хөсәйенова фотолары. https://yanzori.com/news/novosti/2023-11-08/v-yanaule-lyudi-starshego-pokoleniya-vnov-sdavali-normativy-gto-3511105