Үҙебеҙҙең участковый Рәфил Миңлеғолов өсөн тауыш бирәйек!

Рәсәй Эске эштәр министрлығының Бөтә Рәсәй “Халыҡ участковыйы” конкурсының финал этабы старт алды. Унда Башҡортостан исеменән Рәсәй Эске эштәр министрлығының Яңауыл районындағы бүлегенең участка вәкиле Рәфил Миңлеғолов ҡатнаша. 2023 йылдың 17 ноябрендә Рәсәй Эске эштәр министрлығының участка уполномоченныйҙар хеҙмәте ойошторолоуға 100 йыл тулыуҙы билдәләй. Шул уҡ көндө иң яҡшы участка полицияһын – Бөтә Рәсәй “Халыҡ участковыйы-2023” конкурсы еңеүсеһен бүләкләү тантанаһы үтәсәк. Рәсәй Эске эштәр министрлығы менән “Комсомольская правда” берлектәге конкурсының финал этабы быйыл 13-сө тапҡыр уҙғарыла. Халыҡ участковыйы өсөн тауыш биреү КР.RU сайттында ойошторола. Тауыш биреү 2023 йылдың 1 ноябренән 10 ноябренә тиклем дауам итә. Һәр төбәк үҙенең “Анискин”ын күрһәтә, әммә еңеүсе берәү генә буласаҡ. Конкурстың өсөнсө этабында еңеүсене һәм призерҙарҙы бүләкләү Рәсәй Эске эштәр министрлығында тантаналы шарттарҙа үтәсәк. Ул 17 ноябрҙә билдәләнгән участка уполномоченныйҙары хеҙмәтенең йөҙ йыллыҡ юбилейына арнала. Күсмә бронза статуэтка – конкурс символы – Рәсәй Эске эштәр министрлығының Бөтә Рәсәй “Халыҡ участковыйы” конкурсы еңеүсеһенә тапшырыласаҡ. Еңеүсегә Ульяновск автомобиль заводында етештерелгән “Патриот” автомобиле бүләк ителә. Башҡортостан Республикаһы исеменән Бөтә Рәсәй конкурсында төбәк этабы еңеүсеһе Рәфил Миңлеғолов сығыш яһай. Социаль селтәрҙәрҙәге аккаунттар ярҙамында үҙебеҙҙең участка хеҙмәткәре өсөн тауыш бирергә мөмкин. Тауыш биреү йомғаҡтары буйынса, төбәктә халыҡ һаны тураһында мәғлүмәттәрҙе иҫәпкә алып, һәр ҡатнашыусы өсөн граждандарҙың ышаныс индексы формалашасаҡ. Иң юғары индексы булған участка полиция вәкиле конкурста еңеүсе була. Яҡташыбыҙ беҙҙең ярҙамға мохтаж – уның өсөн тауыш бирәйек: https://t.me/mvd_rb/8062. Рәфил Миңлеғолов 1995 йылда участка оперуполномоченныйы булып эш башлаған. Ул Яңауыл районында эшләй, хеҙмәткәр яуаплы булған участкаға дүрт меңгә яҡын кеше йәшәгән дүрт ауыл биләмәһе ҡарай. – Яҡташтарыма төбәк этабында минең өсөн тауыш биргәндәре һәм хуплағандары өсөн рәхмәт белдерәм. Тимәк, ышаналар. Был минең өсөн ҙур хөрмәт, – тип белдерҙе Рәфил Ғабдулхай улы. “Минең өсөн һәр эш мөһим. Күп йылдар дауамында төрлө енәйәттәрҙе асырға күнеккәнмен, ниндәй ҙә булһа эште айырым бер нәмә итеп билдәләй алмайым, – тип тыйнаҡ ҡына яуап бирә ул. Ысынлап та, Рәфил Миңлеғолов хеҙмәт юлында күп енәйәттәрҙе ҡыҙыу эҙҙәр буйынса асыуға өлгәшкән. Мәҫәлән, бер ваҡыт ул бер нисә көн эсендә ҡарт ауылдашының һыйырын урлаусыларҙы табып, ҡулға ала. Башҡорт “Анискин”ы һөйләүенсә, был ваҡиғаның иң ҡыҙыҡлыһы шул: һыйыр урлаусылар шул уҡ көндө хужабикәгә килеп, яңы һыйыр ите һатып алырға тәҡдим итә. Ябай ғына итеп әйткәндә, енәйәтселәр ауыл буйлап йөрөй һәм яңы урланған һыйырҙың итен һата. Шулай итеп, участковый уларҙың эҙенә шунда уҡ төшә. Һөҙөмтәлә мал законлы хужаһына ҡайта, ә енәйәтселәрҙе яуаплылыҡҡа тарттыралар. Рәфил Миңлеғолов әйтеүенсә, хеҙмәттә иң мөһиме – ышаныслы тыл. Яратҡан ғаиләңдән дә ышаныслыраҡ бер нәмә лә юҡ, ти ул. – Хеҙмәткә килгәс, Ишбулды ауылындағы йортта йәшәй башланым. 12 йыл шунда торҙом, ғаилә ҡорҙом. Ҡатыным Эльза менән өс ҡыҙ тәрбиәләйбеҙ. Өлкән ҡыҙыбыҙ Өфөлә юридик факультетта уҡый. Тәртип һаҡлау органдарына хеҙмәт итергә хыяллана. Минең эҙҙәрем буйынса, - ти ул. Рәфил Миңлеғолов ял ваҡытында үҙен йорт мәшәҡәттәренә бағышлай. Ҡулына гармун алып, эш мәшәҡәттәренән бер аҙ арынып та ала. Ә инде ҡатыны һәр ваҡыт иренең ҡатмарлы һәм ҡайһы берҙә хәүефле хеҙмәтен һәр саҡ аңлап ҡабул итә. Башҡортостан халҡын яҡташыбыҙ Рәфил Миңлеғолов өсөн “Комсомольская правда” сайтында - kp.ru, https://t.me/mvd_rb/8062 тауыш бирергә саҡырабыҙ! Фото һәм мәғлүмәт сығанағы: https://t.me/mvd_rb/8062