"Ҡорос. Яугир ат яҙмышы" (Мөнир Ҡунафин пьесаһы) спектакленең ҡуйыусы режиссеры – Айҙар Зарипов. Спектакль нигеҙендә – 112-се Башҡорт кавалерия дивизияһы менән Бөйөк Ватан һуғышында ҡатнашҡан “Керчь” ҡушаматлы легендар аттың тарихы. Төп ролдәрҙә – Фәнил Ҡарасурин, Фәйрүзә Сәлимгәрәева (Айгөл Байрамғолова). Үҙенсәлекле декорация, кейем, яҡтыртыу, хореография, музыкаль биҙәлеш – барыһы бергә спектаклгә бөтөнлөк биреп, тарихҡа хәҙерге көн күҙлегенән ҡарау мөмкинлеген аса. Республиканың байтаҡ урындарында был сәхнә әҫәрен ҡаранылар, ул күп ыңғай баһаға лайыҡ булды. Өфөләр ҙә спектаклде яратып ҡарар, моғайын. Видеоны гәзитебеҙҙең төркөмөндә – https://vk.com/gazetabashkortostan ҡарарға мөмкин. Һүрәттә: спектаклдән бер күренеш. Театрҙың социаль төркөмдәге сәхифәһенән.