Ҡаҙармала ҡыҙыу эш бара

Кушнаренко ауылының Ҡаҙарма ауылында модулле фельдшер-акушерлыҡ пунктын асыу өсөн әҙерлек бара. Медицина учреждениеһы ”Һаулыҡ һаҡлау” милли проектының тәүге звеноны яңыртыу программаһына ярашлы төҙөлә. Программаның маҡсаты – халыҡтың ихтыяжынан сығып, медицина ярҙамын йәшәгән урынға яҡынайтыу. Әлеге ваҡытта яңы пунктты һыу менән тәьмин итеү һәм канализация системаларына тоташтырыу эштәре бара, бина матди-техник яҡтан йыһазландырыла. Яңы бинала тәжрибәле фельдшер Резеда Саматова эшләйәсәк. 486 кешене хеҙмәтләндереү уның яуаплылығында. Ҡаҙарма ауылы район үҙәгенән 27 километрҙа урынлашҡан. –Яңы фельдшер-акушерлыҡ пункты асылыуға күп ҡалманы. Ауыл халҡы бөтә уңайлыҡтары булған медицина пунктында диспансерлаштырыу үтәсәк, тәүге медицина ярҙамын аласаҡ. Хәҙер был мөмкинлектәр яҡынайҙы, – ти Кушнаренко дауаханаһының баш табибы Илдар Баҡаев. Рәсәй Президенты Владимир Путиндың “май “ указдарына ярашлы, 2024 йылға ил үҫешенең төп маҡсаттарына өлгәшергә кәрәк. Шуларҙың араһында халыҡ һанын арттырыу, граждандарҙың тормош сифатын яҡшыртыу, иҡтисадҡа һәм социаль өлкәгә һанлы технологияларҙы индереү мөһим бурыстарҙың береһе булып тора.”Һаулыҡ һаҡлау” милли проектының (национальный проект “Здравоохранение) төп маҡсаты – хеҙмәткә һәләтле йәштәге халыҡтың үлем күрһәткестәрен, ҡан әйләнеше сирҙәренән, яман шештәрҙән үлем осраҡтарын кәметеү, инновацион медицина технологияларын индереү, шул иҫәптән пациенттар сәләмәтлеген иртә диагностикалау һәм дистанциянан тороп мониторинг үткәреү алымдарын ҡулланыу. Һаулыҡ һаҡлауҙың тәүге звеноһын яңыртыу программаһы маҡсаты – сифатлы һәм һәр кем файҙаланырлыҡ медицина ярҙамы күрһәтеү, шул иҫәптән төпкөлдә, бәләкәй тораҡтарҙа йәшәгән халыҡ өсөн. Фото: Һаулыҡ һаҡлау министрлығы.