Башҡортостан Хөкүмәтенән хәбәр итеүҙәренсә, бөгөн Башҡортостан рәсми делегацияһы Ҡытай Халыҡ республикаһына эш сәфәре менән барҙы. Премьер-министр Андрей Назаров Ҡытай Халыҡ Республикаһында Башҡортостан Республикаһының иҡтисади һәм инвестицион потенциалына презентация үткәрҙе. Ҡытай партнерҙары алдында сығыш яһап, Андрей Назаров Башҡортостан менән Хэйлунцзян провинцияһы араһында 1993 йылда уҡ хеҙмәттәшлек буйынса килешеү булыуын иҫкә төшөрҙө. —Бөгөн беҙ Ҡытайҙың өсөнсө провинцияһы менән килешеү төҙөйбөҙ. Өфө дүрт Ҡытай ҡалаһының - Шэньян, Цицикар, Хэфэй и Наньчанға туғандаш ҡала булып тора, - тине Андрей Назаров. Ҡытай һәм Башҡортостан араһындағы хеҙмәттәшлектең төп өлөшө фән һәм мәғариф өлкәһенә ҡағыла. Республиканың барлыҡ төп белем биреү ойошмалары Ҡытайҙың партнерҙары менән тығыҙ хеҙмәттәшлектә эшләй. Башҡортостан рәсми делегацияһының Ҡытай Халыҡ республикаһына эш сәфәре киләһе көндәрҙә лә дауам итәсәк. Фото: БР Хөкүмәте сайтынан