Балаҡатай районы хакимиәте башлығы Мәсғүт Миңлеғәлин социаль селтәрҙәге үҙенең сәхифәһендә Ғәбделхәй Зариповтың махсус хәрби операция биләмәһендәге улы менән осрашыу өсөн гуманитар ылауҙы оҙатып барыуын хәбәр иткән. "Осрашыу оҙаҡҡа һуҙылманы, ләкин бик тулҡынландырғыс булды. Балаларыбыҙ беҙҙең өсөн һәр саҡ кескәй булып ҡала һәм шуға күрә улар менән хатта бер нисә минут осрашыу ҙа баһалап бөткөһөҙ. Ата менән ул ҡосаҡлаштылар, бер аҙ һөйләштеләр, атай кеше туғандарынан, яҡындарынан һәм ауылдаштарынан сәләм, шулай уҡ посылкалар тапшырҙы", - тип яҙған район башлығы. Бындай осрашыуҙыр тиҙерәк тыуған йорттарында булһын, яугирҙәребеҙ иҫән-һау әйләнеп ҡайтһын! Фото һәм сығанаҡ: Мәсғүт Миңлеғәлиндең "Бәйләнештә"ге сәхифәһенән.