Социаль селтәрҙә Фәнүзә Ишбаева ҡурмас ҡыҙҙырып, тирмәндә талҡан тартҡан видеояҙмаһы күптәрҙә ҙур ҡыҙыҡһыныу уятты. Әйткәндәй, һеҙ тирмән менән талҡан тартаһығыҙмы? "... Йөнө ҡойолғанын күрмәһәгеҙ ҙә, теге «айыу»ҙың, арты йыртыла яҙып, үкергәнен ишеткәнһегеҙҙеру, ибет!? Бер ҡулға эләккәндә, тип, эрррәххәтттәнеп тотоноп ҡалдым былай, әтеү буй һуҙһааа, бөтә донъяһын-эшен онота ла ҡуя, һөрәп сығармайынса үҙе килеп сыҡмай инде. Әле ана ейәнсәрем менән ике ҡуяндың ҡойроғон бер юлы тоттоҡ:ҡурмас ҡыҙҙырып, тартып, талҡан эштәп, кипкән муйылын тартып, асығауыҙ, бөйрәк -фәлән бешереп, мулдан төшөп, буйтым һыйҙаныбалдыҡ. 1882 йылғы Тайып олатамдан (Мәһәҙейҙеке Ғарифуллин Тайып Ғарифулла улы) ҡалған ҡомартҡы - ҡул тирмәне - күпте күргән күн ҡайыш һис бирешерҙек түгел, дығырҙығын сығарабыҙ тегене. Дығыр-дығыр, дығыр итәТешкенәһе тирмәндең,Эше яйлы, ашы татлыҠулынан эш килгәндең,тип, үҙемдең һалпы яҡҡа һалам ҡыҫтырып та ебәргән булам ишшү, упсым килештереп.... Ил-йортобоҙ тынысҡа ҡалып, ашаған ризыҡтарыбыҙ тамаҡтан үтеп, көллөбөҙ ҙә теүәллектә, татыулыҡта, бер-беребеҙгә кәрәк-терәк, бик-йоҙаҡ, ут-һыу булып, имен-аман торайыҡ!!! Байрамдарыбыҙ мөбәрәк булһын!"- тип яҙып та ҡуйған. Фото һәм видеояҙма: Фәнүзә Ишбаева.