Асҡын районының Билгеш ауылына эш сәфәре барышында бер урамда яңы төҙөлөп ятҡан ҙур, күркәм йорт иғтибарҙы йәлеп итте. Һап-һары бурсанан күтәрелгән был өй Земфира һәм Рүзил Сәлиховтарҙыҡы булып сыҡты. Йорт алдында ла, ихата эсендә лә техниканың күплеге иғтибарҙы йәлеп итте. Хужабикә төпсөк улы Рәсүл менән ярма ярҙыра ине. Баш ҡаланан журналистар килгәнен ишетеп, хужа ла ҡайтып инде. Земфира Йәһүҙә ҡыҙы менән Рүзил Ғәбделхай улының татыу ғаиләһендә Илмир, Илгиз һәм Рәсүл исемле егеттәр үҫә. Өлкәндәре һөнәргә эйә булып, Себер тарафтарында эшләй, Рәсүл – VI класс уҡыусыһы. Сәлиховтар шәхси ихата хужалығында күпләп мал аҫрау менән шөғөлләнә, ауылдаштарын ит, һөт ризыҡтары менән тәьмин итә. “Һөт, ҡаймаҡ, эремсекте өйҙән үк килеп алалар, сауҙа нөктәләренә лә сығарам”, – ти хужабикә. Төҙөлөштө быйылғы яҙҙа башлағандар. 9х11 метр үлсәмле өй бик күркәм булмаҡсы. Әйткәндәй, Сәлиховтарҙың йорто – һуңғы 30 йыл эсендә ауылда күтәрелгән тәүге өй. “Уны күтәреүгә бөтә туғандар, ауылдаштар ярҙам итте.