Быйыл Башҡортостанда һөнәри уҡыу һәм өҫтәмә профессиональ белем алыуға 707 сертификат тапшырылған (тотош 2023 йылға 700 сертификат планлаштырылған ине). Был сертификатты мәшғүллек үҙәгендә иҫәптә торған граждандар, декрет ялындағы ҡатын-ҡыҙҙар, эшләргә теләгән пенсионерҙар, махсус хәрби операцияла ҡатнашыусылар һәм уларҙың ғаилә ағзалары алыуға хоҡуҡлы. МХО-ла ҡатнашыусылар һәм уларҙың ғаилә ағзалары 201 сертификат алған (планға ҡарата 100,5%), башҡа категорияға ҡараған граждандар – 506 сертификат (планға ҡарата 101,2%). - 2030 йылға рәсәйҙәрҙең 70 процентының һөнәри белемен яңыртыу талап ителәсәк. Был статистиканы Рәсәй Хеҙмәт министрлығы килтерә. МХО-ла ҡатнашыусыларға һәм уларҙың ғаилә ағзаларына тәғәйен сертификаттың суммаһы 50 мең һум тәшкил итә, башҡа категория граждандарға – 20 мең һум, - тип билдәләне БР ғаилә, хеҙмәт һәм халыҡты социаль яҡлау министры Ленара Иванова. Әлеге көнгә сертификат алған 707 кешенең 481-е уҡыуҙы тамамлаған да инде. Граждандар уҡыған иң популяр һөнәрҙәр исемлегендә һаҡсы, тракторсы, ашнаҡсы, заправкалау станцияһы операторы, парикмахер, электромонтер, маникюр оҫтаһы, ашнаҡсы-кондитер, тегенсе, водитель һәм кассир бар. Сығанаҡ һәм фото: pravitelstvorb.ru