2022 йылда республикала 18 600 малай тыуған. 100 малайға 94 ҡыҙ бала тура килгән, тип хәбәр итә Башстат идаралығы. 2023 йыл башына Башҡортостанда 1 миллион 928,2 мең ир-ат, йәғни дөйөм халыҡ һанының 47,3 проценты, йәшәгәне билдәле. Шуларҙың 1 миллион 177,5 меңе – ҡалала, 750,8 меңе ауылда йәшәй. 100 ир-атҡа 111 ҡатын-ҡыҙ тура килә. Белгестәрҙең әйтеүенсә, был нисбәт йәш үткән һайын башлыса ирҙәр араһында үлем кимәле юғары булыуы арҡаһында айырыла бара. Өҫтәүенә ир-аттың көтөлгән ғүмер оҙайлығы түбән – 67,8 йыл (ҡатын-ҡыҙҙыҡы – 78,3 йыл). Республиканың иҡтисад өлкәһендә мәшғүл халыҡтың 53,1 процентын ир-ат тәшкил итә. Эшләүсе ир-аттың уртаса йәше – 41 йәш. Юғары белемгә эйә булғандар улар араһында – 23,4 %. Уртаса һөнәри белем алғандар – 59,3%. Фото: https://mintrud.bashkortostan.ru/presscenter/news/579694/