Бушлай программалау курстарына ҡабул итеү тамамланды

- Башҡортостан йәштәренең «Киләсәк коды» проектына ҡыҙыҡһыныуы бик юғары. Волга буйы федераль округында уҡыуға ғаризалар һаны буйынса республика икенсе урында килә. Ғаризаларҙың күпселеген балалар үҙҙәре бирә, - тип хәбәр итте БР һанлы үҫеш министры Геннадий Разумикин. Курсҡа инеү өсөн уҡыусыларға тест үтергә, ә уларҙың ата-әсәләренә уҡырға килешеү төҙөргә тура киләсәк. Уҡыу онлайн һәм офлайн форматта үтәсәк. Көндөҙгө дәрестәр өсөн бөтә ил буйынса 12 меңдән ашыу майҙансыҡ асылды. Курстарҙа уҡыусылар сайттарҙы, компьютер уйындарын, чат-боттарҙы, мобиль ҡушымталарҙы һәм нейрон селтәрҙәрен һынау һәм эшләүҙе үҙләштерә. Уларҙы дрон һәм роботтарҙы программаларға өйрәтәләр, шулай уҡ мәғлүмәт аналитигы, UX-дизайнер һәм DevOps-эшкәртеүсе һөнәрҙәре менән таныштыралар. Был эштәр "Мәғариф" милли проектына (национальный проект "Образование") ярашлы башҡарыла. Иҫегеҙгә төшөрәбеҙ, милли проекттар Рәсәй Федерацияһы Президенты Фладимир Путин май указдары менән булдырылған.