Архангелдә боронғо кәсепте һаҡлаусылар – туҡыусылар фестивале үтте
Мәҙәниәт йортонда ике көн дауамында оҫталыҡ дәрестәре һәм күргәҙмәләр ойошторолдо. Туҡыусылар, балаҫ һуғыусылар менән беҙҙең ижади төркөм осрашты.Ярты быуат тәжрибәһе булған туҡыусы Тамара Каташова иғтибар менән балаҫтың барлыҡҡа килеүен күҙәтә. Күҙәтә генә түгел, үҙенең өйрәнсегенең һәр яңылыш аҙымын төҙәтеп бара. Ижади эшкә башҡаларҙы ла өйрәтеүгә күнегеп бөткән ул. Ағиҙел башҡорт художество кәсептәрендә эшләү дәүерендә цех буйынса һәр хеҙмәттәше менән тәжрибә уртаҡлаша. Орловка ауылында Тамара Ильинична үҙенсәлекле туҡыу техникаһы буйынса оҫталыҡ дәрестәре үткәрә. Остазы саҡ ҡына иғтибарын ситкә йүнәлттеме, өйрәнсеге Фәһимә Хәлилова яңылыша һалып бара. Ун йылдан ашыу туҡыу тәжрибәһе бар уның, шулай ҙа яңы алым таһыллыҡты тағы ла шымартыуҙы талап итә.Күрше станокта тағы ла бер оҫталыҡ дәресе – башҡорт балаҫын һуғыу. Яңы башлап ҡына йөрөүсе туҡыусы ҡыҙҙар, был кәсеп юғары математиканан да ҡатмарлы, ти шаяртып. Айышына төшөндөңмө – унан да ләззәтлерәк эш юҡ.Оҫта ҡулдарының һәр хәрәкәтен Свердловск өлкәһенән килгән ҡунаҡтар күҙәтә. Тәжрибә туплап, ҡайтып үҙ өлкәләрендә боронғо кәсепте тергеҙеү- уларҙың күптәнге хыялы.Орловка мәҙәниәт йортонда туҡыманы биҙәү, һырлауҙың боронғо алымдары күрһәтелде. Оҫталар араһында ейнсәре менән килгән ҡатын иғтибарыбыҙҙы йәлеп итте. Гөлнара Вәлиәхмәтова уны ғына түгел, башҡа бәләкәс ҡыҙҙарҙы ла балаҫ һуғыу серҙәренә өйрәтә.Күргәҙмә һәм оҫталыҡ дәрестәре Фәнисә Гольцова ойошторған Орловка төбәк ара заманса туҡыу фестивале сиктәрендә бер нисә йыл рәттән ойошторола һәм бөтә Башҡортостан оҫталарын йыя. Уңыштар ысынлап та бар. 17 йыл эсендә Фәнисә Гольцова бихисап оҫталарҙы туҡыма һуғыу кәсебенә ғашиҡ иткән ҡатын.
Смотрите видео
--------------------------
Присоединяйтесь к калалу Башкортостан 24 в Дзен и будьте в курсе всех последних новостей и событий, происходящих в Уфе и Башкирии!
Мы предлагаем Вам свежие выпуски передач производимые холдингом ГТРК «Башкортостан».