Хәйбулла районында Ғәҙәттән тыш хәл тәртибе индерелгән
Сөнки оҙайлы ҡойма ямғырҙар сәбәпле бында ауыл хужалығы культуралары уңышы һәләк булған. Ошо турала Республикаға идара итеү үҙәгендә үткән оператив кәңәшмәлә иғлан ителде. Хөкүмәт ултырышында Башҡорт ихаталары программаһының уңыштары, юлдар төҙөлөшө, йылытыу миҙгеленә әҙерлек мәсьәләләре лә ҡаралды. Тулыраҡ Закир Шәрипов репортажы.Йылытыу миҙгеленә быйыл 58 муниципаль берәмек әҙер, тип танылған. Ә бына 5 муниципалитет буйынса иҫкәрмәләр булған. Бында һүҙ Әбйәлил, Белорет, Борай, Ҡалтасы райондары һәм баш ҡалабыҙ Өфө тураһында бара. Әҙерлек паспортын алыр өсөн район-ҡалаларға 15 ноябргә тиклем етешһеҙлектәрҙе бөтөрөргә ҡушылған. Был мәсьәлә Башҡортостан Башлығының иғтибарынан ситтә ҡалманы.Киләһе йылда ла “Башҡорт ихаталары” программаһы буйынса төҙөкләндереү дауам итәсәк. Халыҡ һәм муниципалитеттар менән ниндәй биләмәләрҙе тәртипкә килтереү буйынса килешелгән. Быйыл, мәҫәлән, 30 муниципаль берәмектә 206 ихата тәртипкә килтерелгән. Бының өсөн 1 миллиард 272 миллион һум аҡса бүленгән. “Башҡорт ихаталары” республика программаһы йорттар янындағы ихаталарҙы комплекслы төҙөкләндереүҙе күҙ уңында тота. Уның сығымдарының 94 проценты республиканан, биш проценты район ҡаҙнаһынан, бер проценты күп фатирлы йорттар милекселәренән финанслана. Халыҡ программа менән бик ҡәнәғәт, ти белгестәр.Хәтерегеҙгә төшөрәбеҙ, “Башҡорт ихаталары” республика программаһы Радий Хәбиров башланғысы менән 2019 йылда булдырылды. 5 йыл эсендә республикала 1 мең 300-ҙән ашыу йорт ихатаһы төҙөкләндерелгән.
Республикала йылдан-йыл юлдар һаны күбәйә бара. Трассаның бер километрына ҡырсынташ һәм ҡом ҡатнашмаһы түшәр өсөн уртаса 2 миллион һум аҡса китә. Әммә һәр районда төрлөсә. Мәҫәлән, Илеш районында бер саҡрым юлды һалыу 429 мең һумға төшә. Сөнки, төҙөлөш материалын урындағы карьерҙан алалар. Ә Бөрө районында 5 миллион һумға барып баҫа. Сөнки, ҡырсынташты һәм ҡом ҡатнашмаһын Силәбе өлкәһенән ташыйҙар. Башҡортостан Башлығы үҙ карьерҙары булмаған муниципалитеттарға ярҙам итеү мөмкинлеген өйрәнергә ҡушты.Өфөлә иртәле-кисле тығындар арта. Октябрь революцияһы урамындағы юлдың бер өлөшөн асыу хәлде бер аҙ яҡшыртҡан, әммә, хәҙер ҡатмарлыҡтар Пушкин урамында барлыҡҡа килде. Бында предприятиелар һыу һәм йылытыу селтәрҙәрен алмаштыра.Оператив кәңәшмәлә йәйге осорҙа балаларҙың сәләмәтлеген нығытыу кампанияһына йомғаҡ яһалды. Быйыл төрлө бюджеттарҙан был маҡсатта 2 миллиард һумдан ашыҡ аҡса йүнәлтелгән. Бөтә төр сығымдарҙы иҫәпкә алып 502 меңдән ашыу бала ял иткән. Йәғни, дөйөм уҡыусылар һанының 97 проценты тиерлек. Башҡортостан Башлығы Радий Хәбиров быйыл республикала уҙған төп туристик сараларҙы атаны. Шулай уҡ, Волга буйы һәм Урал буйы федераль округтары араһында Башҡортостандың Рашн Ивент Эуардс премияһы еңеүсеһе булыуын билдәләп китте. Уның һөҙөмтәләре яңыраҡ Саранск ҡалаһында барланды.Уҙған аҙнала Өфөлә “Легпром-2023” еңел сәнәғәт форумы үтте. Уның эшендә Ҡаҙағстан, Беларусь, Үзбәкстан, Дағстан вәкилдәре ҡатнашты. Ике залда 80 компания һәм дизайнер үҙ тауарын йә хеҙмәтен күрһәтте. Сараға махсус хәрби операциялағы яҡташтарға төрлө әйберҙәр бәйләп ебәргән ирекмән хәрәкәте лә саҡырылды. Башҡортостан хөкүмәте ошондай ойошмаларға гранттар бүлеү мәсьәләһен өйрәнә. Был иһә ҙур ярҙам буласаҡ.Сенятбрҙә Башҡортостанда икенсе Салауат Юлаев исемендәге ирекле батальон ойошторолдо. Унда сәләмәтлеге яҡшы 55 йәштән кесерәк ир-егеттәр ҡабул ителде һәм Нижегород өлкәһендә хәрби әҙерлек үтте. Уҙған аҙнала Радий Хәбиров Росгвардия ҡарамағында алышасаҡ Башҡортостан подразделениеһы яугирҙары менән осрашып, хәрби байраҡ тапшырҙы.2017 йылдан Рәсәйҙә тауарҙарҙы маркировкалау башланды. Яңы ҡанунға ярашлы, продукция, уның етештереүсеһе тураһында мәғлүмәт барыһына ла билдәле булырға тейеш. Тәүҙә ил белгестәре ошондай юл менән тундар, тәмәке, аяҡ кейеме, дарыуҙар менән законһыҙ сауҙа итеүселәргә ҡаршы көрәш башланы. Был көндәрҙә һыра, бал, сидр, һыра эсемлектәрен маркировкалау тураһында ҡанун индерелә. Тиҙҙән, һөт һәм һөт тауарҙарын, велосипед, фотоаппарат, тәгәрмәс, кейем һәм хушбуй сығарыусылар ҙа мотлаҡ маркировкау эшенә күсәсәк.
Смотрите видео
--------------------------
Присоединяйтесь к калалу Башкортостан 24 в Дзен и будьте в курсе всех последних новостей и событий, происходящих в Уфе и Башкирии!
Мы предлагаем Вам свежие выпуски передач производимые холдингом ГТРК «Башкортостан».