81 տարեկան հասակում կյանքից հեռացել է Ռուսաստանի ժողովրդական արտիստ, պրոֆեսոր և դաշնակահար Տիգրան Ալիխանովը, հայտնում է Մոսկվայի կոնսերվատորիայի ռեկտորատը:
«Մոսկվայի կոնսերվատորիայի ռեկտորատը խոր վշտով հայտնում է 2023 թվականի հոկտեմբերի 29-ին կամերային անսամբլի և լարային քառյակի ամբիոնի վարիչ, Ռուսաստանի ժողովրդական արտիստ, պրոֆեսոր Տիգրան Աբրամովիչ Ալիխանովի մահվան մասին։ Ալիխանովն ավելի քան 20 տարի ղեկավարել է Մոսկվայի կոնսերվատորիայի կամերային անսամբլի և լարային քառյակի բաժինը»,- նշում են կոնսերվատորիայից։
Լրատվամիջոցները գրում են, որ արվեստագետի մարմինը հայտնաբերել է դուստրը, նախնական տվյալներով մահվան պատճառ է հանդիսացել սրտի անբավարարությունը։