Өлкәндәр номинацияһында 16 йәштән 35 йәшкә тиклемгеләр ярышасаҡ. Ойоштороусылар әйтеүенсә, төп премия — iPhone 14 һәм 100 мең һум әҙер. Йомғаҡлау сараһы эстрада йондоҙҙары ҡатнашлығына үтәсәк. Балалар номинацияһында ҡатнашыу өсөн 5 йәштән 15 йәшкә тиклемге ҡыҙҙар саҡырыла. Ҡыҙҙар финал көнөндә ҡыҫҡа метражлы Яңы йыл фильмын төшөрөүҙә ҡатнашасаҡ. Башҡорт ҡарһылыуын билдәләү буйынса Бөтә Рәсәй конкурсы 2021 йылдан алып үткәрелә һәм «Башҡортостан Гүзәле», «Өфө һылыуы», «Һылыуҡай» кеүек ҙур матурлыҡ конкурстарын ойоштороусыларҙың ижад емеше булып тора. Ә һеҙҙең Ҡарһылыу булып сығыш яһағанығыҙ бармы? Фотоларығыҙ менән уртаҡлашығыҙ әле!