Башҡортостанға Дәүләт Думаһы вице- спикеры Борис Чернышов килде

Башҡортостан Хөкүмәтенән хәбәр итеүҙәренсә, Башҡортостан Премьер-министры Андрей Назаров РФ Дәүләт Думаһы вице-спикеры Борис Чернышов менән осрашты. Осрашыу барышында Өфөлә донъя кимәлендәге юғары уҡыу йорттары араһында кампус булдырыу, фәнни инфраструктураны үҫтереү, президент программаларын һәм “Фән һәм университеттар” милли проекттарын тормошҡа ашырыу темалары ҡаралды. Андрей Назаров төбәктә яҡынса 103 мең кеше уҡый торған һигеҙ үҙаллы дәүләт юғары уҡыу йорто эшләүен белдерҙе. Уларҙың яртыһы тиерлек Өфө фән һәм технологияләр университетында һөнәр аласаҡ, тип билдәләне Премьер-министр. -Беҙ кампустың алға табан үҫешен инновациялы фәнни-технологик үҙәк форматында эшләйбеҙ. Башҡортостанда ун перспектив йүнәлештең һигеҙе тәҡдим ителгән, уның сиктәрендә 2030 йылға тиклем илдең технологик үҫеш концепцияһы менән билдәләнгән федераль мегапроекттар тормошҡа ашырыла. Был химия, пилотһыҙ аппараттар һәм транспорт системалары, инжиниринг һәм импортты алмаштырыусы һауа суднолары, приборҙар төҙөлөшө һәм робот техникаһы, биотехнологиялар, фармация, станоктар төҙөү өсөн алдынғы етештереү технологиялары, - тип билдәләне спикер. Андрей Назаров Борис Чернышов менән Өфө кампусы базаһында инновацион-фәнни-технологик үҙәк булдырыу мөмкинлеге тураһында фекер алышты һәм республиканың әлеге һәм башҡа фәнни инициативаларын тормошҡа ашырыуҙа ярҙам итеүҙе һораны. Шуларҙың береһе - УНиТ базаһында “Һанлы етештереү” яһалма интеллекттың тикшеренеү үҙәген булдырыу. 30 октябрҙа Рәсәй Хөкүмәте ундай тикшереү үҙәктәрен һайлап алыуҙың икенсе тулҡынын башлап ебәрҙе, уның һөҙөмтәләре буйынса 600 млн һум күләмендә федераль гранттар биреләсәк. Башҡортостандан да ғариза әҙерләнә. Фото: БР Хөкүмәте сайтынан.