Өфө вуз-ара студенттар кампусының БДМУ күҙәнәк культуралары лабораторияһы яһалма күҙ мөгөҙсәһе эшләй. Лабораторияла әйтеүҙәренсә, һуҡырлыҡҡа килтергән күҙ мөгөҙсәһе патологияһының 50 процент осрағында берҙән-бер ярҙам - ул трансплантация. Донор трансплантаты етешмәй, шуға күрә бындай дауалауға сират барлыҡҡа килә. Күҙәнәк культуралары лабораторияһына 2014 йылда нигеҙ һалына. Күҙәнәк культуралары лабораторияһындағы тикшеренеүҙәрҙең төп йүнәлеше төрлө ауырыуҙарҙың сәбәбен асыҡлау маҡсатында кеше күҙәнәктәрен өйрәнеү, күҙәнәктәрҙе клиник медицинала биомедицина күҙәнәк продукты сифатында ҡулланыу перспективаларына йүнәлтелгән. Бының өсөн ғалимдар көн һайын донорҙарҙың биомоделенән күҙәнәктәрҙе айырып ала һәм уларҙың лаборатория шарттарында үҙ-үҙен тотоуын тикшерә. Алынған һөҙөмтәләр нигеҙендә мәҡәләләр баҫтырыла, патенттар булдырыла, клиницистар өсөн рекомендациялар бирелә. Икенсе яҡтан, эксперименталь эш барышында алынған фәнни белем трансплантологияла ҡулланыла, университеттың башҡа лабораторияларында биомедицина кәрәк-ярағын эшләү өсөн нигеҙ булып тора. Күҙәнәк культуралары лабораторияһы эшләгән осорҙа эксперименталь эш нигеҙендә тикшеренеүселәр Рәсәй һәм сит ил ғилми баҫмаларында 50-нән ашыу мәҡәлә баҫтыра, башҡа университеттар һәм ғилми ойошмалар менән хеҙмәттәшлек итә. Сығанаҡ: https://pravitelstvorb.ru/news/22194/