Ғәжәп, Түбәнге Новгород өлкәһендә ғәләмәт шәп парҙы теркәгәндәр. 100 йәшлек Отар Дадишкилиани 75 йәшлек Татьяна Уколованы кәләш итеп алған. Рәсәйҙең атҡаҙанған артисы һәм Беларусь Республикаһының атҡаҙанған сәнғәт эшмәкәре Отар Дадишкилианины күптәр режиссер тип белә. Ул "Спартак", "Борис Годунов" һәм башҡа билдәле спектаклдәре менән тамашасыларға яҡшы таныш. Уның һөйгәне лә мәҙәниәт хеҙмәткәре – ул Түбәнге Новгород Актерҙар йортонда рәссам булып эшләгән. – Бер-беребеҙ өсөн өҙөлөп торабыҙ, шуның менән бәхетлебеҙ, – тип һөйләй бәхетле пар. – Әйтерһең дә, күптән танышбыҙ. Ҡартайған көндә ниндәй мөхәббәт булһын, тиҙәр. Бар ул мөхәббәт, бар. Фото: КП Нижний Новгород.