Миәкә районында Рәсәй Президенты Владимир Путиндың май указы менән раҫланған “Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү” милли проекты буйынса (национальный проект “Малое и среднее предпринимательство и поддержка индивидуальной предпринимательской инициативы”) маҡсатлы эш алып барыла. Райондың бизнес-шәрифе Зиннур Зияҡаев белдереүенсә, Ҡырғыҙ-Миәкә ауылынан Владимир Кулешов массаж эшләү менән шөғөлләнә. Уның төп девизы - кешеләргә файҙа килтереү. Яратҡан эше менән ул 1998 йылдан алып шөғөлләнә, ә 2021 йылда эшҡыуар ғаиләһе менән ауылға күсеп ҡайта һәм үҙ эшен аса. Владимир Кулешов ярҙам һорап районда үткән “Эшҡыуарлыҡ сәғәте”нә мөрәжәғәт итә. Эшҡыуар үҙенең бизнес-проектын тәҡдим итеп, эш башлар өсөн бина менән ярҙам итеүҙәрен һорай. В. Кулешов 11 айға ташламалы хаҡ менән ҡуртымға бина алыуға килешеү төҙөй. Әле ул “Миәкә” спорт-һауыҡтырыу комплексынан урын алып, массаж яһай һәм адаптив физкультура хеҙмәттәре күрһәтә. Киләсәккә уның пландары ҙур. Был сараларҙың барыһы ла Рәсәй Президенты Владимир Путиндың май указына ярашлы булдырылған “Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү" (национальный проект "Малое и среднее предпринимательство и поддержка индивидуальной предпринимательской инициативы") милли проектына ярашлы атҡарыла. Фото: Радий Хәбировтың бизнес менән аралашыу төркөмө.