Республикала йәйгеһен дә, ҡышҡыһын да ҡарай торған урындар күп. Мәҫәлән, Шүлгәнташ мәмерйәһе. Музей комплексы һәм мәмерйә йыл әйләнәһенә асыҡ, комплексҡа автомобилдәр өсөн яҡшы юл һалынған. Башҡортостанда ҡышҡы көндәрҙә ҡайҙа барырға мөмкин булыуы хаҡында Республика менән идара итеү үҙәгенән БЮТ телеканалының "Сәләм" тапшырыуы тура эфирында Туризмды үҫтереү үҙәге вәкиле Заһир Ҡотлосурин һөйләне. Салауат районындағы Янғантау ҙа күптәрҙе үҙенә йәлеп итә. Унан алыҫ түгел Ҡорғаҙаҡ шишмәһе аға, һыуы кальций һәм магнийға бай. Ә тау саңғыһын яратыусылар Әбйәлил районындағы Яҡтыкүлгә бара ала. Күлдән йыраҡ түгел ерҙә тау саңғыһы үҙәге урынлашҡан, унда ябай йәки ҡатмарлы трасса һайларға мөмкин. Башҡортостанда туризм әүҙем үҫешә. 23-26 октябрҙә Өфөлә III Этнотуризм форумы үтә. Форумға Белоруссиянан һәм Абхазиянан да ҡунаҡтар килде. Әйткәндәй, Башҡортостандың өлкән быуын кешеләре «Башҡортостанда оҙон ғүмерлелек» программаһы буйынса Абхазияға һәм Беларусь Республикаһына бара ала. Сәйәхәт итеү өсөн тағы ла күберәк урындар тураһында Республикаға идара итеү үҙәге тәҡдим иткән эфир яҙмаһында таныша алаһығыҙ. Фото: ifaces.ru Сығанаҡ: vk.com/wall-201146046_103214