Билдәле телетапшырыуҙар алып барыусыһы Флүрә Мурзина Өфө водителдәре өсөн “Яндекс Карта” ҡушымтаһында тауыш күрһәтмәләрен яҙыуҙа ҡатнашҡан. Һөҙөмтәлә башҡорт телендә 200-гә яҡын навигация фразаһы яҙып алынған. Өфө буйлап маршрут һалыу өсөн ҡушымтала профиль булдырырға, көйләүҙәргә инергә, «Тауыштар һәм иҫкәртеүҙәр» бүлегенә баҫырға, унан «аннотация теле»н асырға һәм башҡорт телен һайларға кәрәк. “Яндекс Карта”ларҙағы башҡортса тауыш күрһәтмәләре маршрут буйынса йүнәлеш алыу ғына түгел, ә сәйәхәтте күпкә ҡыҙыҡлыраҡ итәсәк. Хәҙер ғәҙәти күрһәтмәләр яңыса яңғырай, сөнки Флүрә Мурзинаның үҙенсәлекле һәм яғымлы тауышы күңелгә ятышлы һәм яҡын. Фото: gtrk.tv