Вуз-ара студенттар кампусында перспективалы керамик биомедицина импланттарын етештереү планлаштырыла. Аддитив технологиялар лабораториялар проекты төҙөлөү өҫтөндәге кампустың IQ-паркының бер ҡатында урынлашасаҡ. Лаборатория тикшереүҙәренең төп бурыстарының береһе - аҡыллы имплант булдырыу. Уның барлыҡ этаптары ла уйланылған – проектлауҙан алып кеше менән үҙ-ара бәйләнештә эшләүенә тиклем. Медицина изделиеһы операция барышында үҙен нисек тотор, пациенттың туҡымалары менән нисек яраҡлашыр? Был һорауҙарҙың барыһын да аңлау мөһим. -Бөгөн төрлө тармаҡта импортты алмаштырыуға ҙур һорау бар. Лабораторияла эшләү беҙҙең өсөн медицина изделиеларын етештереү мөмкинлеген аса, улар беҙҙең республикала ғына түгел, Рәсәйҙә лә ҡулланыласаҡ, - тине лаборатория мөдире Марс Ғәләүетдинов. Бөгөнгө көндә спейсерҙар, ваҡытлыса протездар, хирургия бүлексәләре өсөн протездар әҙерләнә. Протездар өсөн формалар лабораторияла әҙерләнгән алым буйынса етештерелә. Эшләнгән изделие стерилләнә һәм операция бүлмәләренә тапшырыла. Фото: Башҡортостан Хөкүмәте сайты.