Стәрлетамаҡ дәүләт театр-концерт берекмәһендә Илшат Йомағолов исемендәге Башҡорт драма театрының XXXIII театр миҙгелен асыу тантанаһы үтте. Тамашасылар өсөн фойела байрам программаһы: милли музыка, ҡул эштәре йәрминкәһе әҙерләнгәйне. Икенсе ҡатта декорация элементтары һәм яратҡан спектаклдәр геройҙары менән күргәҙмә-фотозона эшләне. Яратҡан театр артистары - Башҡортостандың халыҡ артисы Миңниса Бакирова һәм Рәсил Сынбулатов "Кинйә Арыҫлановҡа - 300 йыл" юбилей миҙалы менән бүләкләнде. Бындай тәрбиәүи саралар халҡыбыҙҙың тарихын һаҡлауға булышлыҡ итә. Сөнки тарихты белмәйенсә киләсәкте күҙаллау мөмкин түгел.