Бер көндө һеңлем менән ҡустым төндә Хәйбулла районының Татыр-Үҙәк ауылынан Байғусҡарға ҡайтып барғанда сәйер күренешкә тап булған. Һеңлем алда һауала йондоҙҙар кеүек, тик бер рәткә теҙелгән 23 дана нимәнеңдер килгәнен күреп ҡалған. Ҡыҙыҡ күреп, машинаны туҡтатып төшөп ҡарағандар. “Беҙ торған ергә етмәйерәк килделәр ҙә теҙелгән килеш бер-бер артлы тура һауаға күтәрелеп, ҡараңғыға инеп юғалдылар, бер ниндәй тауыш булманы”, ти. Фотоға төшөргәндәр, ә видеоға яҙҙырып өлгөрмәгәндәр. Нимә булды икән: ҡыҙыҡ та, шомло ла булып китте, тип һөйләне туғандарым. Тағы берәйһе тап булманымы икән ошондай күренешкә? Р. Дәүләтбаев.