«Парк горького» и «Цветы» խմբերի հիմնադիր, ռոք երաժիշտ Ստաս Նամինի (իսկական անունը՝ Անաստաս Միկոյան) խորթ որդին՝ Ռոման Միկոյանը, երկու ամսով կալանավորվել է, հայտնում է ՏԱՍՍ-ը՝ հղում անելով Մոսկվայի մարզի դատախազությանը։
«Իստրայի դատարանը մեղադրյալին կալանավորել է երկու ամսով՝ մինչև դեկտեմբերի 18-ը»,- ասվում է զեկույցում։
Բացի այդ, դատավորը փակ դռների հետևում հայտարարել է նաև մեղադրյալին ձերբակալելու մասին, փոխանցում է ՏԱՍՍ-ի թղթակիցը։ Ինչպես և սպասվում էր, պաշտպանական կողմը մտադիր է բողոքարկել Նովիկովի կալանքը։
Հոկտեմբերի 19-ին Կրյուկովո գյուղում գտնվող ընտանիքի տնակում հայտնաբերել են 85-ամյա Պոլինա Տկաչենկոյի (Ստաս Նամինի կնոջ մայրը) և ռոք երաժիշտի 30-ամյա որդի Արտյոմի մարմինները:
Դեպքի վայր ժամանած իրավապահ մարմինների աշխատակիցները նախ տան բակում խոտերի վրա ընկած հայտնաբերել են Ա. Միկոյանի դին, իսկ հենց տանը՝ Ռ. Միկոյանին և սպանված Պ. Տկաչենկոյին։ Սակայն քննիչները ոչ սենյակում, ոչ բակում պայքարի հետքեր չեն հայտնաբերել։
ՏԱՍՍ-ի փոխանցմամբ՝ հանցագործության պատճառ է դարձել անշարժ գույքի շուրջ ծագած վեճը։ Իր հերթին, Նամինի նախկին կինը՝ Աննա Իսաևան, RT-ին տված մեկնաբանությունում նշել է, որ Ռոմանը չի կարող սեփականության նկատմամբ հավակնություններ ունենալ, քանի որ նա նախորդ ամուսնությունից իր առաջին կնոջ որդին է։ Նամինը նրան չի որդեգրել։
Ստաս Նամինը պատմել է, որ խորթ որդին «միշտ տականք է եղել»: Արվեստագետն ընդգծել է, որ երկար տարիներ չի շփվել նրա հետ ու երբեք հարազատ չի համարել։
