“Тиҙ экспорт ярҙамы” эшлекле төркөмө, “Халыҡ-ара кооперация һәм экспорт” милли проектына ярашлы, Өфө районының ике предприятиеһында булды. Был хаҡта тышҡы иҡтисади бәйләнештәр һәм конгрессия эшмәкәрлеге министры Маргарита Болычева һөйләне. - Тышҡы иҡтисади бәйләнештәр һәм эшмәкәрлеге министрлығы, Экспортҡа булышлыҡ итеү үҙәге белгестәре Өфө районының тағы ике компанияһын ҡараны. Белгестәр Башҡортостанда экспортҡа сығарыусыларға ярҙам итеү саралары тураһында һөйләне. 2021 йылдың февраленән бригадабыҙ төбәктәге 360 предприятиеһында булды, - тине Маргарита Болычева. “Урал” яуаплылығы сикләнгән йәмғиәте 25 йылдан ашыу ҡортсолоҡ продукцияһын эшкәртеү һәм дауалау продукцияһын, косметика етештереү менән шөғөлләнә. “Комплект монтаж” яуаплылығы сикләнгән йәмғиәте ПВХ һәм алюмин профилен әҙерләй. Сара барышында эшҡыуарҙар федераль һәм төбәк кимәлендә мәғлүмәт алды. Осрашыу барышында компаниялар вәкилдәре халыҡ-ара йәрминкәләрҙә ҡатнашыу, тауарҙарҙы транспортировкалау, уларҙы электрон сауҙа майҙансыҡтарына урынлаштырыу һәм башҡалар тураһында ҡыҙыҡһынды. Осрашыуға йәки белгестәр кәңәшенә ғаризаны электрон почта буйынса ҡалдырырға exportcenter@bashkortostan.ru йәки түбәндәге телефондар буйынса шылтыратырға мөмкин: +7 347 246 89 28, +7 989 821 49 87. Фото, сығанаҡ: pravitelstvorb.ru/news/22017/