Конкурсҡа һөҙөмтәне Рәсәйҙең иҡтисади үҫеш министрлығы яһаны, тип хәбәр итә Башҡортостан Хөкүмәтенең матбуғат хеҙмәте. Ғаризалар һаны буйынса төбәктәр араһында лидерлыҡты Башҡортостан биләй. Унан 150-нән ашыу ғариза ҡабул ителгән. Һайлап алыу туры үткәндән һуң, уҡытыуҙа 35 ҡатын-ҡыҙ эшҡыуар ҡатнашҡан. – Эшҡыуарлыҡты ирҙәр һөнәре тип ҡабул итеп өйрәнгәнбеҙ. Ләкин “Эшҡыуар әсәй” программаһында ҡатнашыусылар бының киреһен иҫбатлай. Беҙҙең ҡатын-ҡыҙҙар ҡыйыу рәүештә үҙҙәре булдырған бизнес-проекттарын тормошҡа ашыра. Министрлыҡ үҙ сиратында ҡатын-ҡыҙҙар эшҡыуарлығын үҫтереүгә йүнәлтегән проекттарға артабан да ярҙам итәсәк, - ти Эшҡыуарлыҡ һәм туризм министры Рөстәм Афзалов. “Эшҡыуар әсәй” программаһы “Бәләкәй һәм урта эшҡыуарлыҡ һәм шәхси эшҡыуарлыҡ башланғыстарын яҡлау” милли проекты (национальный проект "Малое и среднее предпринимательство и поддержка индивидуальной предпринимательской инициативы") сиктәрендә тормошҡа ашырыла. Был саралар Рәсәй Президенты Владимир Путиндың май указдарын тормошҡа ашырырға булышлыҡ итә. фото:"Башҡортостан" ДТРК-һы.