“Ауыл алдынғылары” конкурсында Башҡортостан еңеүсе

Башҡортостандың ете вәкиле йәш менеджерҙарҙың Бөтә Рәсәй "Ауыл алдынғылары" конкурсы финалына сыҡты. Был күрһәткес буйынса республика конкурста ҡатнашыусы 57 төбәктең рейтингында 3-сө урынды биләй. Беренсе һәм икенсе урындарҙа — Краснодар һәм Красноярск крайҙары. Башҡортостандың финалистары – Салауат районынан уҡытыусы Валерия Ҡорбанова, Өфө студенттары Аделина Фазләхмәтова һәм Максим Алимпеев, Әбйәлил районынан шәхси эшҡыуар Ғәлиә Ғилманова, Тәтешле районынан банк офисы менеджеры Әлмирә Солтанова, Ҡырмыҫҡалы районынан мәктәп директоры Илһам Садиҡов, Нуриман районы хакимиәте хеҙмәткәре Снежана Базрова. 2023 йылдың 8 октябренән 7 ноябренә тиклем дауам иткән конкурсты Бөтә Рәсәй «Ауыл йәштәре союзы» йәмәғәт ойошмаһы урындағы үҙидара үҫеше ассоциацияһы менән бергә ойоштора. Конкурс «Ауыл өсөн кеше ресурстары» программаһы сиктәрендә төп ваҡиға булып тора. Уның төп маҡсаты – ауыл ерендә перспективалы етәкселәрҙе һәм фекерҙәштәрҙе асыҡлау. 18 -35 йәшлек һәр ҡатнашыусыға һынауҙарҙың ике турын үтергә тура килде. Беренсе этапта 2562 кеше ҡатнашҡан. Икенсе этапта бөтә ярымфиналсыларға шәхес һыҙаттарын һәм һәләттәрен асыҡлау, ауылды үҫтереү өлкәһендә белемдәрен һынап ҡарарға һәм киләсәккә маҡсаттары, илебеҙҙең ауыл биләмәләрен үҫтереүгә үҙ өлөшөн индерергә әҙер булыу һәм уны тормошҡа ашырыу буйынса пландар тураһында видеояҙмалар төшөрөргә тәҡдим ителгән. Һөҙөмтәлә конкурстың финалына 150 кеше үткән. Финал 6 – 7 ноябрҙә Мәскәүҙә үтәсәк. Яҡташтарыбыҙға уңыштар теләйбеҙ!